შინაგან საქმეთა სამინისტროს ცნობით, ქვემო ქართლის პოლიციის თანამშრომლებმა მარნეულში დააკავეს აზერბაიჯანის მოქალაქე, რომელიც ინტერპოლის წითელი ცირკულარით იყო ძებნილი.

"შინაგან საქმეთა სამინისტროს ქვემო ქართლის პოლიციის დეპარტამენტის მარნეულის რაიონული სამმართველოს თანამშრომლებმა, ოპერატიული ღონისძიებებისა და საგამოძიებო მოქმედებების შედეგად, ინტერპოლის წითელი ცირკულარით ძებნილი, აზერბაიჯანის რესპუბლიკის მოქალაქე — 1986 წელს დაბადებული რ.ა. დააკავეს.

დაკავებული რ.ა., აზერბაიჯანის რესპუბლიკის მიერ, 2013 წლიდან ორგანიზებული დაჯგუფების წევრობისა და ჯანმრთელობის დაზიანების ბრალდებით იძებნებოდა.

სამართალდამცველებმა რ.ა. ჩატარებული საგამოძიებო მოქმედებების შემდეგ მარნეულში დააკავეს," — ვკითხულობთ განცხადებაში.