ხორბალი ჩვენი მინდვრების საუნჯეა. მის განვითარებას სჭირდება სწორად დაწყება, ძლიერი კვება და უწყვეტი ენერგია მთელი სეზონის განმავლობაში. ხორბლის თესვის პერიოდი ადრეულ შემოდგომაზე იწყება. ფაზა, რომლის ყოველი ნაბიჯი კრიტიკულია და ყველაზე დიდ გავლენას ახდენს მოსავლის ხარისხზე. ამ პროცესს სათანადო კვების გარეშე წარმატება არ ახლავს. სწორედ ამიტომ, მნიშვნელოვანია ზუსტად შერჩეული სასუქი, რომელიც ადრეული განვითარების ეტაპზე მცენარეს აძლიერებს. ქართველი მეხორბლეების წარმატების უზრუნველსაყოფად, აგროკომპანია ბარაქა თანამშრომლობს გლობალურად წარმატებულ ბრენდ Elixir Zorka-სთან. ტრადიციულად, ფერმერები და აგრონომები მზადებას აგვისტოში იწყებენ.

სერბული გიგანტის მიერ წარმოებული NPK 6-24-12, არა მხოლოდ კომპლექსური სასუქი, არამედ უხვმოსავლიანობის გარანტიაც არის. როგორც ბარაქას კორპორატიული გაყიდვების დეპარტამენტის ხელმძღვანელი, მერი პაპუნაშვილი ამბობს, მსგავსი პარტნიორობა ქართველ ფერმერებს ეხმარება, გაიზიარონ საერთაშორისო გამოცდილება და აითვისონ თანამედროვე პროდუქტები. “ჩვენთვის მნიშვნელოვანია, რომ ქართული სოფლის მეურნეობა განვითარდეს გლობალური სტანდარტების მიხედვით. სერბ კოლეგებთან პარტნიორობა ამ მიზნის მიღწევაში გვეხმარება. აქვე უნდა უნდა აღინიშნოს, რომ ბარაქა ბაზრისთვის ახალ პროდუქტს პირდაპირ ნაკვეთებში და ფერმერებთან არ უშვებს. მინიმუმ ერთი სეზონის გამავლობაში ის გაივლის ტესტირებას კომპანიის კუთვნილ საცდელ-სადემონსტრაციო მეურნეობაში, რომელიც ლაგოდეხში მდებარეობს და მხოლოდ წარმატებული შედეგის შემთხვევაში ვთავაზობთ მომხმარებელს და ვიწყებთ კომუნიკაციას ბაზარზე”.

NPK 6-24-12 შედგენილია აბსოლუტური სიზუსტის ბალანსით 6% აზოტი ენერგიული ზრდისთვისაა განკუთვნილი, ამასთან უზრუნველყოფს ფოთლების მწვანე მასის სწრაფ ზრდას. 12% კალიუმი — მარცვლის მაღალი ხარისხის გარანტიაა. გარდა ამისა, პროდუქტი შეიცავს 24%-ით წყალში ხსნად ფოსფორსაც, რაც გადამწყვეტია ძლიერი და განვითარებული ფესვების სისტემის ჩამოსაყალიბებლად. ეს ქიმიური ფორმულა უზრუნველყოფს მცენარის მიერ მინერალების ელვისებურად სწრაფ ათვისებას. სწორედ წყალში ხნადობის ტექნოლოგია განაპირობებს პროდუქტის უნიკალურობას.

თუმცა მთავარი ისაა, რომ Elixir Zorka NPK 6-24-12 დამატებით შეიცავს მიკროელემენტების კომპლექსს, რომელიც ზრდის ხორბლის საერთო ვეგეტაციურ ენერგიას. ფორმულაში შედის: 2,8% კალციუმი, რომელიც ამაღლებს ხორბლის მედეგობას ჩაწოლის მიმართ; 12.5% გოგირდი — მოქმედებს, როგორც ბუნებრივი pH რეგულატორი; ხოლო 0.05% თუთია ხელს უწყობს ფოთლის საფარისა და ფესვთა სისტემის სრულფასოვან განვითარებას მცენარის ზრდის ადრეულ სტადიაზე. სწორედ ამ თვისებების გამოა Elixir Zorka-ს NPK 6-24-12 უკონკურენტო პროდუქტი ქართულ ბაზარზე.

როგორც აგროკომპანია ბარაქას აგრონომი დავით ზარიძე ამბობს: “აზოტის, ფოსფორისა და კალიუმის კომბინაცია მარცვლოვანთა სასუქში ძალიან მიღებული და ჩვეული პრაქტიკაა. მაგრამ ამ კომბინაციაში მიკროელემენტების დამატება, უნიკალური შემადგენლობას ქმნის, რომელიც მხოლოდ Elixir Zorka-ს NPK 6-24-12-შია გაერთიანებული. მასში დამატებულია კიდევ სამი ელემენტი და მათგან ერთ-ერთი უმნიშვნელოვანესი თუთიაა. თუმცა, ყოველ ელემენტს თავისი დანიშნულება აქვს. პროდუქტს უკვე რამდენიმე წელია ვიყენებთ სხვადასხვა ფერმერთან და შედეგი ყოველთვის მოლოდინზე მაღალია“.