სილქის მობაილბანკისთვის 200 000 მომხმარებელი უბრალოდ სტატისტიკა არ არის. ეს ნდობის, ერთგულებისა და საერთო მიზნის მაჩვენებელია. სულ რაღაც სამ თვეში ციფრულ ბანკს კიდევ 100 000 მომხმარებელი დაემატა, რაც მნიშვნელოვანი წარმატებაა. ამ სიმბოლურ სიახლესთან დაკავშირდებით კი, სილქმა მე-200 000 მომხმარებელს 200000 ლოიალობის ქულა გადასცა.

“200 000 მომხმარებელი ჩვენთვის დიდი პროგრესია — მაგრამ არ ის მიზანი, რომლის მიღწევის გამო გავჩერდებით.

უკვე ვიწყებთ ახალ ეტაპს: მომხმარებლს კიდევ უფრო დახვეწილი გამოცდილება, მეტი სერვისი და მეტი შესაძლებლობა ელოდება. შემდეგი დიდი მიზანი 300 000 მომხმარებლის მიღებაა, და გვჯერა, ამას თქვენთან ერთად მალე მივაღწევთ.

მადლობა, რომ გზას ვაგრძელებთ“, — აღნიშნავენ სილქში.

რატომ შეიქმნა სილქის მობაილბანკი?

პირველ რიგში, ამოსავალი წერტილი ისეთი ფინანსური სერვისის შექმნა იყო, რომელიც სწრაფია, ტექნოლოგიურად მოწინავე და, რაც მთავარია, არჩევანის საშუალებას იძლევა. სწორედ ამ მოთხოვნების ერთიანობის პრაქტიკული შედეგია სილქის მობაილბანკი — პროდუქტი მათთვის, ვისაც საკუთარი ფინანსების მართვა ტელეფონიდან, უმარტივესი ოპერაციებით სურს.

რეალურად, სილქის მობაილბანკის განვითარება თავიდანვე მომხმარებლის გამოცდილების გათვალისწინებით მიმდინარეობდა. გუნდი მუდმივად ისმენდა ხალხის საჭიროებებს და უკუკავშირის საფუძველზე მუშაობდა ახალი ფუნქციონალების დამატებაზე. მაგალითად, ერთ-ერთი ბოლო სიახლეა მობაილბანკიდან კრიპტოვალუტის ყიდვის შესაძლებლობა. შესაბამისად, აღარ არის საჭირო გარე პლატფორმებზე რეგისტრაცია, ტექნიკური ცოდნა ან რთულ ტერმინოლოგიაში გარკვევა. ახლა კრიპტო ყველასთვის ხელმისაწვდომია, მარტივად და უსაფრთხოდ.

“ასეთი წარმატებული ნაბიჯები გვარწმუნებს, რომ სწორი გზა ავირჩიეთ… როცა ბანკი მარტივი, მოქნილი და ადამიანის საჭიროებებზეა მორგებული“, — აღნიშნავენ სილქში.