გერმანიის კანცლერის, ფრიდრიხ მერცის თქმით, გერმანია ისრაელისთვის იმ სახის იარაღის ექსპორტს შეაჩერებს, რომელიც შეიძლება ღაზას სექტორში გამოიყენონ. ინფორმაციას BBC ავრცელებს.

"ამ ვითარებაში, გერმანიის მთავრობა არ გასცემს ნებართვას სამხედრო ტექნიკის ექსპორტზე, რომელიც შეიძლება გამოყენებულ იქნას ღაზას სექტორში", — თქვა გერმანიის კანცლერმა.

ისტორიულად, გერმანია ისრაელის ერთ-ერთი უმსხვილესი იარაღის მიმწოდებელია. სტოკჰოლმის საერთაშორისო მშვიდობის კვლევის ინსტიტუტის (SIPRI) მონაცემებით, 2020-2024 წლებში ისრაელის ყველაზე მსხვილი სამხედრო იმპორტის მიმწოდებელი აშშ იყო, ხოლო მეორე ადგილზე გერმანია იდგა.

ისრაელმა "ომის დასრულების ხუთი პრინციპი" მიიღო — ცნობილია ნეთანიაჰუს გეგმები ღაზასთან დაკავშირებით