ირლანდიის პრეზიდენტის ონავარმა ცუგამ თამაში ინტერვიუს დროს მოინდომა

რამდენიმე დღის წინ გავრცელდა ირლანდიის პრეზიდენტის, მაიკლ ჰიგინსის ინტერვიუ, რომელშიც პრეზიდენტი გარდაცვლილ მსახიობს, ტომ ჰიკის მიაგებდა პატივს. კადრში ჰიგინსის გამოსახულება წელამდე ჩანდა, მისი კოსტიუმის სახელოს კი გამუდმებით რაღაც ექაჩებოდა. საიდუმლოს ფარდა აეხადა, როდესაც კადრში ონავარი ცუგას ცხვირი გამოჩნდა.

ამის შემდეგ პრეზიდენტმა ტიკტოკზე ვიდეო გაავრცელა, რომელშიც უკვე კარგად ჩანს მისი ცელქი ძაღლი, რომელმაც თამაში სერიოზული ინტერვიუს დროს მოინდომა.