ამერიკის შეერთებული შტატების პრეზიდენტმა, ჯო ბაიდენმა განაცხადა, რომ ქვეყანაში ლტოლვილთა ყოველწლიური მიღების ზღვარს 62 500-მდე გაზრდის. ინფორმაციას ამის შესახებ Reuters ავრცელებს.

მედიის ინფორმაციით, ბაიდენმა გადაწყვეტილება მას შემდეგ მიიღო, რაც გააკრიტიკეს, რომ ლტოლვილთა წლიურ ზღვარს 15 000 ადამიანამდე ინარჩუნებდა. გამოცემის განცხადებით, აშშ-ს ისტორიაში ეს რაოდენობა ისტორიული მინიმუმი იყო და იგი ყოფილმა პრეზიდენტმა, დონალდ ტრამპმა დააწესა.

ბაიდენის განცხადებით, ასეთი დაბალი ზღვარი არ ასახავს ამერიკის, როგორც იმ ქვეყნის ღირებულებებს, რომელიც მიესალმება და მხარს უჭერს ლტოლვილებს.