"ჩვენ მოძალადე მელიას მაინც შევიწყალებთ", — ამის შესახებ ქართული ოცნების თავმჯდომარემ, ირაკლი კობახიძემ განაცხადა და დაამატა, რომ ამის შემდეგ ნიკა მელიას შეუძლია შევიდეს ან არ შევიდეს პარლამენტში.

"გვესმის საუბარი მუდმივად იმაზე, რომ მელიას ხან გირაო არ სურს, ხან ამნისტია. გამოდის ციხიდან, ნებისმიერ დროს შეუძლია, გამოვიდეს და ვერ გამოეტია ციხის კარებიდან. რაც შეეხება გირაოს და ამნისტიას, განსაკუთრებით ამნისტიას, ეს არის მელიას გადასაწყვეტი. მას შეუძლია, მიიღოს ამნისტიის კანონი ან არ მიიღოს. ეს შესაძლებლობაც არის ასახული ამნისტიის შესახებ კანონში", — აცხადებს ქართული ოცნების თავმჯდომარე.

გარდა ამისა, კობახიძე ამბობს, რომ თუ ოპოზიცია მხარს არ დაუჭერს ამნისტიის შესახებ კანონპროექტს, ეს შეთანხმების წინააღმდეგ წასვლა იქნება.

ნაციონალური მოძრაობის თავმჯდომარე, ნიკა მელია ამბობს, რომ რომ ის ვერ შევა პარლამენტში, სადაც 20 ივნისს ძალადობაში მონაწილე პირებს შეიწყალებენ.

27 აპრილს ცნობილი გახდა, რომ ამნისტიის შესახებ კანონპროექტის ორი ვერსია დაინიცირდება — ერთი ქართული ოცნების და მეორე, ოპოზიციის. ოპოზიციის ლიდერების განცხადებით, მათ ვერსიაში საუბარია დაზარალებულის ნების გათვალისწინებაზე, ქართული ოცნებისაში კი არა.

სტრატეგია აღმაშენებლის ლიდერის, გიორგი ვაშაძის განმარტებით, ორივე კანონპროექტი ითვალისწინებს ნიკა მელიას გათავისუფლებას, თუმცა ქართული ოცნების იდეაა, რომ კანონპროექტი შეეხოს მთლიანად მოვლენას და მხოლოდ გამონაკლისს სახით გამოირიცხოს ძალადობა და კონვენციური მუხლები.

ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის, მიხეილ სარჯველაძის თქმით, ამნისტიის შესახებ კანონპროექტის ქართული ოცნების ვერსიაში მაკო გომურის შემთხვევა გამონაკლისი იქნება.