2017 წლის 15 თებერვალს, 17:00 საათზე, ექსპო-ჯორჯიას მესამე პავილიონში ტრაქტორის პლატფორმის ოფიციალური წარდგენა გაიმართება. ღონისძიებას დაესწრებიან ფერმერები, კერძო კომპანიების, სახელმწიფო სექტორისა და დიპლომატიური კორპუსის წარმომადგენლები.

გახსნით ღონისძიებაზე სიტყვით გამოვლენ: ლევან დავითაშვილი-საქართველ სოფლის მეურნეობის მინისტრი, იოს დოუმა-ნიდერლანდების ელჩი საქართველოში და ნიკა ქურდიანი-თიბისი ბანკის გენერალური დირექტორის მოადგილე.

ტრაქტორი საერთაშორისო გამოცდილების გაზიარებით, მიზნად ისახავს ფერმერთა გაძლიერებას და ამ მხრივ სოფლის მეურნეობის განვითარების მხარდაჭერას საქართველოში. კომპანიის მისიაა, მიაწოდოს ფერმერებს საჭირო ცოდნა და გაზარდოს მათი წვდომა უკეთეს სასოფლო-სამეურნეო პროდუქტებთან და მომსახურებასთან.

ტრაქტორის ვებ-გვერდი და მობილური აპლიკაცია ფერმერის გონიერი დამხმარეა, რომელიც ეხმარება მათ აწარმოონ მეტი და უკეთესად.

ტრაქტორის საპილოტე პროგრამამ, უკვე გამოიწვია დიდი დაინტერესება ქართველ ფერმერებში. 1 წლის განმავლობაში Facebook-ისა და Youtube-ის მეშვეობით ონლაინ საგანმანათლებლო ვიდეოებს 100 000-ზე მეტმა ადამიანმა 600 000-ჯერ უყურა.

ტრაქტორი მომხმარებლებს უმაღლესი ხარისხის საქონელსა და სერვისს სთავაზობს, ინდუსტრიაში წამყვან კორპორატიულ პარტნიორებთან თანამშრომლობით, როგორებიცაა კარტლისი, თიბისი და ჯეოსელი.

ტრაქტორის მხარდამჭერები არიან, ისეთი საერთაშორისო ორგანიზაციები როგორიცაა ადამიანი გაჭირვებაში, ევროკავშირი, ამერიკის შეერთებული შტატების საერთაშორისო განვითარების სააგენტოს პროექტი ზრდა, ათასწლეულის გამოწვევის კორპორაცია, ნიდერლანდების სამეფოს საგარეო საქმეთა სამინისტრო და ელვა საზოგადოებრივი ჩართულობა.

ახალი ინსტრუმენტის შექმნა გუგლის დეველოპერებმა 6-7 ივნისს დაიწყეს.