Google-ს დახმარებით, ქართველ ფერმერებს მალე ის ახალი ინსტრუმენტი ექნებათ, რომელიც საკუთარი პროდუქციის მომგებიანად გაყიდვაში დაეხმარებათ. ინფორმაციას Traktor ავრცელებს.

ქართველი ფერმერების პლატფორმა „ტრაქტორთან“ თანამშრომლობის შედეგად, გუგლის დეველოპერებმა შეიმუშავეს საბაზრო ფასების ინსტრუმენტი, რომელიც საშუალებას მისცემს ფერმერებს დარეგისტრირენის შემდეგ, რეალურ დროში შეამოწმონ საკუთარი პროდუქტების ფასები ადგილობრივ ბაზრებზე.

ახალი ინსტრუმენტის შექმნა გუგლის დეველოპერებმა 6-7 ივნისს დაიწყეს, ის 2016 წლის ბოლოს მისამართზე www.traktor.ro იქნება ხელმისაწვდომი და ის ფერმერებს ხელს შეუწყობს საქონელის იმ ადგილას და იმ დროს გაყიდვაში, როდესაც მსოფლიო ბაზარზე ფასი ყველაზე მაღალია.

„მოხარული ვართ, რომ ამ უნიკალური გამოცდილების მონაწილენი, წარმოვადგენთ პირველ კომპანიას საქართველოში, რომელიც „გუგლის“ საუკეთესო დეველოპერებთან ერთად ავითარებს პროდუქტს“ - ამბობს იონე ქათსუქი, კომპანია „ტრაქტორის“ აღმასრულებელი დირექტორის მოადგილე.

საბაზრო ფასების შესახებ ინფორმაციის მიწოდების გარდა, საქართველოში ფერმერებისთვის შექმნილი პირველი ვებ და მობილური პლატფორმა, „ტრაქტორი“ მომხმარებელს, ასევე, შესთავაზებს უფასო სატრენინგო ვიდეოებს, აგრო-კონსულტაციებს, მოსავლის კალენდარსა და ამინდის პერსონალურ პროგნოზს.

აღნიშნულმა წამოწყებამ მესამე ადგილი მოიპოვა სიდსტარს თბილისის (Seedstars Tbilisi) შეჯიბრში.