უკრაინის პროკურატურამ 23 რუსი მომღერლის წინააღმდეგ სისხლის სამართლის საქმე აღძრა. მიზეზი ანექსირებულ ყირიმში ხიდის გახსნის აღსანიშნავ კონცერტში მათი მონაწილეობაა.

Unian-ის ინფორმაციით, ამ მომღერლებს შორის არიან გრიგოლი ლეპსი, დიმა ბილანი, ოლეგ გაზმანოვი, ლარისა დოლინა, ვალერია, ჟასმინი, სტას პეხა და რუსული ესტრადის სხვა ცნობილი შემსრულებლები. მათი ნაწილი ვლადიმერ პუტინის პოლიტიკის ღია მხარდამჭერია და მის წინასაარჩევნო კლიპებშიც იღებდა მონაწილეობას.

ოკუპირებულ რეგიონში ხიდის მშენებლობას უკრაინა უკანონო ქმედებად აფასებს. ყირიმზე კონტროლი ქვეყანამ რუსული უკანონო რეფერენდუმისა და სამხედრო აგრესიის გამო 2014 წელს დაკარგა.