როგორც ლეიბორისტული პარტია აცხადებს, პარტიის ანგარში იანვრის ბოლოს დააყადაღეს.

"პარტიამ წინასაარჩევნოდ გაიღო ხარჯები. ჩვენ თანხები გადავუხადეთ ჩვენს წარმომადგენლებს საარჩევნო კომისიებში და ბუნებრივია, არ დარჩა თანხა საშემოსავლო გადასახადი გადაგვეხადა ბიუჯეტისთვის," - განმარტა პარტიის ერთ-ერთმა ლიდერმა, გიორგი გუგავამ.

მისი თქმით, "მოხსნეს ის თანხა რაც განკუთვნილი იყო პარტიისთვის", რითაც ხელისუფლება ცდილობს პარტიის საქმიანობის პარალიზებას. გუგავა აღნიშნავს, რომ დაყადაღებული ანგარიშის შემთხვევაში ვერ გადაიხდიან კომუნალურ გადასახადებსა და პარტიაში დასაქმებული ადამიანების შრომის ანაზღაურებას.

სახელმწიფო აუდიტის სამსახურისთვის წარდგენილი დოკუმენტების მიხედვით, პარტიამ გასულ წელს, შემოწირულობის სახით, 15 215 ლარი მიიღო.

საქართველოს ფინანსთა სამინისტროს შემოსავლების სამსახური ფაქტთან დაკავშირებით განცხადების გავრცელებას გეგმავს.