დამოუკიდებელი ბრიტანული ონლაინ საგამოძიებო ჯგუფი Bellingcat-მა უკრაინაში 2014 წელს ჩამოგდებული თვითმფრინავის საქმეზე დასკვნა გამოაქვეყნა.

დასკვნის მიხედვით მალაიზიის ავიახაზების თვითმფრინავი MH17 რუსმა სამხედროებმა მიწა-ჰაერის კლასის რაკეტით ჩამოაგდეს. დოკუმენტის შესავალში ნათქვამია, რომ საგამოძიებო დასკვნაში მოცემულია სამხილები, რომლებიც საჰაერო ხომალდის რუსეთის არმიის 53-ე ჰაერსაწინააღმდეგო ბრიგადის ასი ჯარისკაცისა და ოფიცრის თანამონაწილეობასა და ბრალეულობას ამტკიცებს.

ბელინგკეტი თავის გამოძიებებს ინტერნეტსა და სოციალურ ქსელებში არსებულ ინფორმაციაზე დაყრდნობით ატარებს. MH17-ის საქმეზე ჯგუფმა ინფორმაცია ჯარისკაცების მიერ სხვადასხვა სოციალურ ქსელებსა და ონლაინ ფორუმებზე დადებული ინფორმაციებისა და ფოტოების ანალიზის შედეგად მოიპოვა. ბელინგკეტი ცნობილი ონლაინ რესურსია, რომელმაც აქამდე წარმატებით გამოიძია ტერორიზმისა და სხვა სახის დანაშაულებები.

ჯგუფის ხელმძღვანელის, ელიოტ ჰინგისის თქმით, სამხილები და სახელები და გვარები, რომლებიც გამოძიების ინტერესებიდან გამომდინარე და უდანაშაულობის პრეზუმფციის პრინციპების მიხედვით საჯარო დასკვნაში არ შევიდა, უკვე გადაეცა ჰოლანდიის ძალოვან სტრუქტურებს, რომლებიც MH17-ის საქმეს იძიებენ.

ჰიგინსის თქმით, მასალები რომლებიც გამოძიებას გადაეცა საკმარისია კონკრეტული ინდივიდების ინკრიმინაციისთვის. მისივე განცხადებით, ჯგუფის მიერ მოპოვებული სამხილები ადასტურებს, რომ სამხედრო რაზმები, რომლებსაც ბუკ-მ1 ტიპის ჰაერსაწინააღმდეგო დანადგარები გადაჰქონდა რუსული სამხედრო ხელმძღვანელობის დავალებით მოქმედებდა და შესაბამისად პასუხისმგებლობა ქვეყნის გენერალიტეტსა და მთავარსარდას, პრეზიდენტ ვლადმიერ პუტინს ეკისრებათ.

ბელნგკეტს MH17-ის საქმეზე სამი საგამოძიებო დასკვნა აქვს გამოქვეყნებული, როლმებშიც დეტალურადაა აღწერილი რაზმების გადაადგილება კურსკის ბაზიდან აღმოსავლეთ უკრაინაში, კავშირი სეპარატისტებთან და ა.შ.