ევროპულ საქართველოში სტრუქტურული ცვლილებები იგეგმება
ევროპულ საქართველოში სტრუქტურული ცვლილებები იგეგმება. ამის შესახებ On.ge-ს პარტიის ლიდერებმა განუცხადეს. პარტიის თავმჯდომარეს, დავით ბაქრაძეს მას შემდეგ დავუკავშირდით, რაც წყარომ მოგვაწოდა ინფორმაცია, რომ ის ევროპული საქართველოდან წასვლას აპირებს. პარტიის არცერთი ლიდერი ამას არ გვიდასტურებს, თუმცა საუბრობენ სტრუქტურულ ცვლილებებზე.
"პარტიაში ცვლილებები იგეგმება, მაგრამ წასვლის ინფორმაციას ვერ დაგიდასტურებთ. ცვლილებები შეეხება პარტიის სტრუქტურას და სამომავლო გეგმებს. მეტ დეტალებს ამ ეტაპზე ვერ მოგაწვდით", — უთხრა დავით ბაქრაძემ On.ge-ს.
პარტიის თავმჯდომარემ იქვე განმარტა, რომ საერთო ოპოზიციურ პრინციპულ საკითხებზე, მაგალითად, პარლამენტში არშესვლაზე, პოზიციები უცვლელია.
"ყველა წევრის და პირადად ჩემი მხრიდანაც ბოიკოტი ძალაშია და შეცვლა არ განიხილება", — განაცხადა მან.
ევროპული საქართველოს პოლიტსაბჭოს თავმჯდომარე, გიგა ბოკერიაც ამბობს, რომ ბაქრაძის წასვლის შესახებ ინფორმაცია სინამდვილეს არ შეესაბამება. რაც შეეხება სტრუქტურულ ცვლილებებს, ბოკერიას თქმით, ამაზე არჩევნების შემდეგ დაიწყეს მსჯელობა და აქტიური დისკუსია მიმდინარეობს.
"თუ რამე გადაწყვეტილება იქნა მიღებული, ბუნებრივია, ეს მოხდება პარტიაში შიგნით, დისკუსიის შედეგად და საჯაროდ გახდება ცნობილი. ამ ეტაპისთვის არანაირი პერსონალური საკითხები არ არის განხილული და გადაწყვეტილი", — ამბობს ის.
On.ge-ს კითხვას, არის თუ არა მსჯელობა პარტიულ თანამდებობებზე მყოფი ადამიანების და მათ შორის, დავით ბაქრაძის, გიგი უგულავასა და გიგა ბოკერიას ცვლილებაზე, პარტიის ლიდერი პასუხობს, რომ მსჯელობა ყველაფერზე იქნება, მაგრამ პარტიიდან წასვლის შესახებ გადაწყვეტილება არავის მიუღია.
"ყველაფერს განვიხილავთ, იმის მიხედვით, რას ჩათვლის პარტია საჭიროდ მომავლისთვის".
ამის შემდეგ გიგა ბოკერიას ვკითხეთ, ნიშნავს თუ არა ეს იმას, რომ შესაძლოა, პარტიის ლიდერები შეიცვალონ. მან ასე გვიპასუხა:
"მე ასეთი რამ არ მითქვამს. ყველა თემაზე ვმსჯელობთ, როგორ ჯობია და ეს მსჯელობა რითი დასრულდება... მე როგორ უნდა გადავწყვიტო მთელი პარტიის ნაცვლად, მთელი ქვეყნისთვის და მათ შორის, ჩვენი პარტიისთვის ასეთი გამოწვევების დროს, პარტია მსჯელობს, როგორი უნდა იყოს სტრატეგია, ტაქტიკა".
გიგა ბოკერიაც ხაზს უსვამს, რომ განსახილველ საკითხებს შორის არ არის ბოიკოტი და ამაზე პოზიციას არ შეიცვლიან.
კითხვას, შიდა დისკუსიის მიზეზი გახდა თუ არა ის შედეგიც, რომელიც აქვს ევროპულ საქართველოს 2020 წლის საპარლამენტო არჩევნების შემდეგ, ბოკერია დადებითად პასუხობს.
"მათ შორის. კი, ეს არჩევნები არ გამოხატავდა ქართველი ხალხის ნებას და ივანიშვილის ხელისუფლებას არ მიუღია უმრავლესობის მანდატი, ეს მანიპულაციების შედეგად მოხდა, მაგრამ ჩვენ უკმაყოფილო ვართ ჩვენი პარტიის შედეგით ამ მანიპულაციების მიღმაც და ამაზე სრული კონსენსუსია. თუ არჩევნების შემდეგ, მანიპულაციების გათვალისწინებით, არ არის მიღწეული ის შედეგი, რაც იგეგმებოდა, ყველა პასუხისმგებლიანი პარტიის საქმეა, იმსჯელოს, როგორ უნდა იმოქმედოს იმ რეალობის გათვალისწინებით, როგორც მოქმედებს ივანიშვილის ხელისუფლება", — ამბობს ბოკერია.
რაც შეეხება პოლიტსაბჭოს წევრებს, პარტიის ერთ-ერთმა ლიდერმა, ხათუნა გოგორიშვილმა გვითხრა, რომ წესდების მიხედვით, ყოველი საპარლამენტო არჩევნების შემდეგ პოლიტსაბჭო ხელახლა კომპლექტდება და ეს დამოკიდებულია იმაზე, რა შედეგები აჩვენეს რაიონულმა ორგანიზაციებმა, მაჟორიტარობის დეპუტატებმა არჩევნებზე.
"შესაბამისად, დაითვლება და ვისაც მოუწევს, რომ იყოს პოლიტსაბჭოს წევრი... შეიძლება ახლებს უკეთესი შედეგი ჰქონდეთ, ვიდრე სხვებს და ან პირიქით, ვიღაცები აღარ იქნებიან პოლიტსაბჭოს წევრები", — ამბობს გოგორიშვილი.
მისივე თქმით, წესდების მიხედვით, ცვლილება მხოლოდ პოლიტსაბჭოს წევრებს ეხება და არა თავმჯდომარეს ან სხვა ლიდერებს. აქვე, გოგორიშვილი ამბობს, რომ ამ წესდების მიღმა პარტიაში ცვლილებები დაგეგმილი არ არის.
ცენტრალური საარჩევნო კომისიის შედეგების მიხედვით, ევროპულმა საქართველომ 2020 წლის არჩევნებში ამომრჩეველთა ხმების 3,79% მიიღო. რაც შეეხება მაჟორიტარობის კანდიდატებს, მეორე ტურში პარტიის ორი წარმომადგენელი გადავიდა, თუმცა ოპოზიციამ არჩევნების მეორე ტურში პროტესტის ნიშნად მონაწილეობა არ მიიღო და ბოიკოტს უცხადებს პარლამენტსაც, რადგან მიიჩნევს, რომ არჩევნები გაყალბდა. მმართველი გუნდის ოპონენტებს პარლამენტში შესასვლელად სამი ძირითადი მოთხოვნა აქვთ: ვადამდელი არჩევნები, პოლიტპატიმრების გათავისუფლება და ცენტრალური საარჩევნო ადმინისტრაციის ცვლილება. ამ დროისთვის, ქართული ოცნების პარლამენტში მხოლოდ პარტია მოქალაქეების ლიდერები, ალეკო ელისაშვილი და ლევან იოსელიანი, ასევე, პრორუსული პატრიოტთა ალიანსის სიით გასული რამდენიმე დეპუტატი შევიდნენ.
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
-
გადახედვატაბიძეზე მომხდარი დაჭრის ფაქტზე ერთ პირს ბრალი წარუდგინეს ტაბიძეზე მომხდარი დაჭრის ფაქტზე ერთ პირს ბრალი წარუდგინეს
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვასადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა სადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა
-
გადახედვაპარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა პარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა
-
გადახედვამოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით მოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით
-
გადახედვავენერას ატმოსფეროდან კოსმოსში ნახშირბადი და ჟანგბადი ჟონავს ვენერას ატმოსფეროდან კოსმოსში ნახშირბადი და ჟანგბადი ჟონავს
-
გადახედვაOldboy-ის მიხედვით ინგლისურენოვან სერიალს გადაიღებენ Oldboy-ის მიხედვით ინგლისურენოვან სერიალს გადაიღებენ
-
გადახედვა"გერმანიის ელჩმა კანცლერის ციტირება სწორად მოახდინა, ბუნდესტაგის აბსოლუტური უმრავლესობა მკაცრად ეწინააღმდეგება აგენტების კანონს — როთი "გერმანიის ელჩმა კანცლერის ციტირება სწორად მოახდინა, ბუნდესტაგის აბსოლუტური უმრავლესობა მკაცრად ეწინააღმდეგება აგენტების კანონს — როთი
-
გადახედვაპროკურატურის თანამშრომლის სახელის გამოყენებით, თანხის გამოძალვის ფაქტზე, ორ პირს პატიმრობა მიესაჯა პროკურატურის თანამშრომლის სახელის გამოყენებით, თანხის გამოძალვის ფაქტზე, ორ პირს პატიმრობა მიესაჯა
-
გადახედვაპარლამენტთან ახალგაზრდები აქციას მართავენ — რუსთაველი გადაკეტილია პარლამენტთან ახალგაზრდები აქციას მართავენ — რუსთაველი გადაკეტილია
-
გადახედვააზერბაიჯანში, "ამორალური კონტენტის" გამო, 60-მდე ტიკტოკერი დასაჯეს აზერბაიჯანში, "ამორალური კონტენტის" გამო, 60-მდე ტიკტოკერი დასაჯეს
-
გადახედვააქციის დროს დაკავებული ირაკლი კუპრაძე და გელა ხასაია გაათავისუფლეს აქციის დროს დაკავებული ირაკლი კუპრაძე და გელა ხასაია გაათავისუფლეს
-
გადახედვასაგარეოში უარყოფენ, რომ საქართველოს ელჩი გერმანიაში ბუნდესტაგში დაიბარეს — რა ვიცით საგარეოში უარყოფენ, რომ საქართველოს ელჩი გერმანიაში ბუნდესტაგში დაიბარეს — რა ვიცით
-
გადახედვაროგორი იყო უძველესი ადამიანების ევოლუცია — კვლევა როგორი იყო უძველესი ადამიანების ევოლუცია — კვლევა
-
გადახედვარაზე საუბრობს პრეზიდენტი ევროპულ მედიასთან — ზურაბიშვილის ინტერვიუები სამ ტელეარხთან რაზე საუბრობს პრეზიდენტი ევროპულ მედიასთან — ზურაბიშვილის ინტერვიუები სამ ტელეარხთან
-
გადახედვაჩახუტება ტკივილს, შფოთვასა და დეპრესიას მართლაც ამსუბუქებს — კვლევა ჩახუტება ტკივილს, შფოთვასა და დეპრესიას მართლაც ამსუბუქებს — კვლევა
-
გადახედვასაერთაშორისო გამჭვირვალობის სათავო ოფისი მოუწოდებს მთავრობას, გამოითხოვოს კანონპროექტი საერთაშორისო გამჭვირვალობის სათავო ოფისი მოუწოდებს მთავრობას, გამოითხოვოს კანონპროექტი
-
გადახედვაოპოზიციური პარტიების ერთობლივი განცხადება რუსულ კანონთან დაკავშირებით ოპოზიციური პარტიების ერთობლივი განცხადება რუსულ კანონთან დაკავშირებით
კომენტარები