მიანმარში უკვე მეორე დღეა ათიათასობით ადამიანი სამხედრო გადატრიალებას აპროტესტებს.

"ჩვენ არ გვინდა სამხედრო დიქტატურა", — ისმოდა ხალხის შეძახილი. აქციის მონაწილეებს ქვეყნის ფაქტობრივი ლიდერის, აუნ სან სუ ჩის ფოტოები ეჭირათ და მის გათავისუფლებას მოითხოვდნენ.

მას შემდეგ რაც მოქალაქეებმა საპროტესტო მოძრაობის დაგეგმვა სოციალურ ქსელებში დაიწყებს, ხელისუფლებამ ინტერნეტი გათიშა. როგორც BBC წერს, ამ დროისთვის ინტერნეტი ნაწილობრივ აღდგენილია. ამასთან, შეფერხება იყო მობილურ ქსელებზე.

საპროტესტო აქცია მიანმარის ყველაზე დიდ ქალაქში, იანგოგში მიმდინარეობდა, მცირემასშტაბიანი მოძრაობები იყო დედაქალაქსა და სხვა ქალაქებში. პოლიციის მხრიდან ძალადობის ან დაპირისპირების შესახებ ინფორმაცია არ გავრცელებულა.

ეს არის ყველაზე მასშტაბური აქცია იანგოგში, რომელიც 2007 წლის Saffron Revolution-ის შემდეგ ჩატარებულა, სადაც ათასობით ბერი სამხედრო ხუნტის წინააღმდეგ გავიდა ქუჩაში.

პირველ თებერვალს მიანმარში სამხედრო გადატრიალება მოხდა და ძალაუფლება მთავარსარდალმა, მინ აუნ ჰლაინმა გადაიბარა. დაკავებულია ათობით პოლიტიკური ლიდერი, მათ შორის ქვეყნის ფაქტობრივი მმართველი, აუნ სან სუ ჩი. ამ დრომდე მის ზუსტი ადგილსამყოფელი უცნობია, თუმცა ვარაუდობენ, რომ ის თავის რეზინდეციაში, შინაპატიმრობაში იმყოფება.

სამხედრო მმართველობა მიანმარისთვის უცხო არ არის — 1962 წლიდან 2011 წლამდე ქვეყანას სწორედ სამხედროები ედგნენ სათავეში.

სამხედროების უკმაყოფილების მიზეზი 8 ნოემბრის არჩევნები გახდა, სადაც აუნ სან სუ ჩის პარტიამ დემოკრატიის ეროვნულმა ლიგამ ხმების უმრავლესობა მოიპოვა და პარლამენტში ადგილების 80 პროცენტი დაიკავა.

ამავე თემაზე: