ელექტრონული მუსიკისა და საკლუბო სექტროის წარმომადგენლებმა დღეს სახელმწიფოს საჯაროდ მიმართეს და 4-პუნქტიანი სამოქმედო გეგმა წარადგინეს, რომელიც ამ სექტორისთვის ფინანსური დახმარებების პაკეტსა და შეღავათებს ითვალისწინებს.

როგორც საკლუბო სექტორის წარმომადგენლემა, დათო ლეჟავამ განაცხადა, 4-საფეხურიანი გეგმა გულისხმობს გადაუდებელი ფინანსური დახმარების ფონდის შექმნას ელექტრონული მუსიკის ეკოსისტემის გადასარჩენად.

"ჩვენი დღევანდელი შეკრების მიზანია ხმა მივაწვდინოთ ყველა დაინტერესებულ მხარეს და ერთიანი ძალისხმევით გადავარჩინოთ შემოქმედებითი ინდუსტრიების და ღამის ეკონომიკის მთავარი მამოძრავებელი სექტორი, თანამედროვე საკლუბო კულტურა და ელექტრონული მუსიკის სცენა", — განაცხადა ლეჟავამ.

მათ მიერ წარდგენილი გეგმა კი შემდეგ პუნქტებს აერთიანებს:

• საქართველოს მასშტაბით არსებული 55 ბიზნეს ერთეულის მეიჯარეებთან საიჯარო პირობებით გათვალისწინებული ვალდებულებების შემსუბუქების მხარდაჭერა, რაც მოიცავს იჯარის სრულად ან ნაწილობრივ სუბსიდირებას;
• იურიდიული პირებისთვის კომუნალური გადასახადების სუბსიდირების პროგრამის ამოქმედება;
• ელექტრონული მუსიკისა და საკლუბო სექტროში დასაქმებული პირების, მათ შორის 500-ზე მეტი შემოქმედი ადამიანისა და ტექნიკური პერსონალის ფინანსური დახმარების პაკეტის ამოქმედება;
• სწრაფი ტესტების უზრუნველყოფა ამ სფეროსთვის, რომ პოსტკოვიდ მდგომარეობაში უსაფრთხოდ გაიხსნას ეს სივრცეები.

საკლუბო სექტორის წარმომადგენლმა, ნაჯა ორაშვილმა განაცხადა, რომ გამომდინარე იქედან, მთავრობის მიერ შემუშავებული ანტიკრიზისული გეგმა მათ სექტორს არ ითვალისწინებს და იგი სახელმწიფოსგან, ფაქტობრივად, მიტოვებულია, მათ თავად გადაწყვიტეს გეგმის შემუშავება.

"ეკონომიკური აღდგენის 4-საფეუხრიანი გეგმა მოიცავს შემდეგ 6 თვეს, რადგანაც ეს სფერო იყო პირველი, რომელმაც საკუთარი კარი დახურა საგანგებო მდგომარეობსი გამოცხადებამდე ბევრად ადრე და ეს გრძელდება 10 თვეა. ეს სფერო მიტოვებულია სახელმწიფოს მხრიდან და ის რაც სახელმწიფოს უნდა გაეკეთებინა, ჩვენ ჩვენი ძალებით ჩვენ შევიმუშავეთ. მათ მხოლოდ უნდა აღასრულონ ეს 4-პუნქტიანი გეგმა", — განაცხადა მან.

მისივე თქმით, არც სახელმწიფოს ინტერესებში უნდა შეიდოდეს მათი გაქრობა, რადგან იგი ეს ერთ-ერთი წარმატებული სფეროა საქართველოში, რომელმაც ქვეყანას უზარმაზარი წარმატება მოუტანა, მათ შორის, გლობალური მასშტაბით.

ორაშვილის განცხადებითვე, ეს გეგმა არის ერთგვარი "ულტიმატუმი" სახელმწიფოსთვის, რომ უახლოეს დღეებში მიიღონ მათგან პასუხი და გადაიდგან მყისიერი ნაბიჯები. მისი თქმით, წინააღმდეგ შემთხვევაში ისინი "გარკვეულ ქმედებებზე" გადავლენ.

საკლუბო სექტორისა და ელექტრონული მუსიკის წარმოამდგენლების თქმითვე, მათ ეს გეგმა სახელმწიფოსთვის უკვე ერთ თვეზე მეტია, რაც მიწოდებული აქვთ, თუმცა გამომდინარე იქედან საპასუხო შემხვედრი ნაბიჯები ჯერ არ მიუღიათ, ამის საჯაროდ განხილვა გადაწყვიტეს.