EgyptAir-ის სამგზავრო თვითმფრინავი Airbus a320, რეისის ნომრით MS804, რომლის ბორტზეც 69 ადამიანი იმყოფებოდა, რადარებიდან გაქრა. თვითმფრინავი პარიზიდან კაიროს მიმართულებით მიფრინავდა.

ეგვიპტის ავიახაზების ინფორმაციით, თვითმფრინავი 11 277 მეტრ სიმაღლეზე მიფრინავდა და მალევე გაქრა მას შემდეგ, რაც ეგვიპტის საჰაერო სივრცეში შევიდა. მათივე განმარტებით, თვითმფრინავში 56 მგზავრი და ეკიპაჟის 10 წევრი იმყოფებოდა.

ადგილი, საიდანაც რეისი MS804 გაუჩნარდა.

ფოტო: Flightradar24

მეტეოროლოგების ინფორმაციით, როდესაც თვითმფრინავმა ხმელთაშუა ზღვა გადაკვეთა, ამინდი კარგი იყო.

შარლ დე გოლის აეროპორტის ცნობით კი, თვითმფრინავი პარიზიდან ღამის 11:09 საათზე აფრინდა.

უკვე დაწყებულია სამძებრო–სამაშველო სამუშაოები.