მას შემდეგ, რაც პირობა დადო, რომ 2020 წელს უფრო ჯანსაღად იცხოვრებდა, მსახიობმა რებელ უილსონმა განაცხადა, რომ მან თავის მიზანს ერთი თვით ადრე მიაღწია.

Pitch Perfect-ის ვარსკვლავმა თავის Instagram-ზე იანვარში განაცხადა, რომ 2020 წელი მისთვის "ჯანსაღი ცხოვრების წელი" იქნებოდა. მას შემდეგ ის პანდემიის მსვლელობისას რეგულარულად ვარჯიშობდა და ამას სოციალურ ქსელში აქვეყნებდა.

უილსონმა თავისი წარმატების შესახებ კვირას, 29 ნოემბერს, დაპოსტა თავისი Instagram-ის სთორიში, სადაც სასწორის ფოტო დადო წარწერით, რომელიც მის გამომწერებს მიემართებოდა.

"ჩემს მიზანს ერთი თვით ადრე მივაღწიე! მართალია, მთავარი არა რიცხვები, არამედ ჯანსაღად ცხოვრებაა, მაგრამ მიზნისთვის მჭირდებოდა ხელშესახები საზომი და ეს იყო 75 კგ", — თქვა მან.

უილსონმა თქვა, რომ სამშაბათ საღამოს, 1-ლ დეკემბერს, ლაივში გასვლას და გამომწერებისთვის მხარდაჭერისთვის მადლობის გადახდას აპირებს.