BBC-ის ინფორმაციით, თეირანში ყველაზე მაღალი, 17-სართულიანი შენობა დაიწვა და ჩამოინგრა. მეხანძრეები რამდენიმე საათის განმავლობაში ცდილობდნენ ცეცხლის ჩაქრობას. შემთხვევის შედეგად, 200-ზე მეტი ადამიანი დაშავდა. ხანძრის ჩაქრობას 10 სახანძრო მანქანით ცდილობდნენ. ადგილობრივი მედიის ცნობით, ათობით მეხანძრე იმყოფებოდა შენობაში, მაშინ როცა ჩრდილოეთ კედელი ჩამოინგრა. Aljazeera-ს ცნობით, სავარაუდოდ, 30-მდე მეხანძრე დაიღუპა და მათი რიცხვი შესაძლოა კიდევ გაიზარდოს, რადგან ბევრი ჯერ კიდევ ნანგრევებშია.

სავაჭრო ცენტრის ჩამონგრევის ვიდეოს ადგილობრივი მედია ავრცელებს:

შენობა 1962 წელს აშენდა და მასში ძირითადად სხვადასხვა სავაჭრო ობიექტები იყო განთავსებული.

BBC-ის ინფორმაციით, ხანძარი ადგილობრივი დროით, დაახლოებით 8 საათზე გაჩნდა, მაშინ როცა ბევრი მაღაზიის მეპატრონე არ იყო ადგილზე.