2016 წლის საპარლამენტო არჩევნებზე წასული მოქალაქეების 32 პროცენტისთვის მნიშვნელოვანია მრევლისა და მღვდლის პოლიტიკური შეხედულებები. 1,5-ჯერ მეტი - 46 პროცენტისთვის უმნიშვნელოა, 15 პროცენტისთვის - არც უმნიშვნელო და არც მნიშვნელოვანი, ხოლო 6 პროცენტი კითხვაზე პასუხობს - „არ ვიცი“. ასეთია NDI-ის კვლევის შედეგები, რომლის პრეზენტაციაც დღეს გაიმართა.

მოქალაქეებს ჰკითხეს, 8 ოქტომბრის საპარლამენტო არჩევნებზე რამდენად მნიშვნელოვანია არ უმნიშვნელო გავლენა მოახდინეს გადაწყვეტილებაზე სხვადასხვა ფაქტორებმა.

გამოკითხული მოქალაქეების 77 პროცენტისთვის მნიშვნელოვანია პოლიტიკური პარტიების კონტროლი წარმომადგენლების მიმართ, 74 პროცენტისთვის - პარტიის საარჩევნო პროგრამა და დაპირებები, 71 პროცენტისთვის პარტიის წარსული საქმიანობა, 48 პროცენტისთვის - ახლობლების პოლიტიკური შეხედულებები, 43 პროცენტისთვის არჩევნებში გამარჯვების მაღალი შანსი.

სხვა შემთხვევეში პასუხი „უმნიშვნელოა“ უსწრებდა დანარჩენ პასუხებს. პარტიის დაფინანსების წყარო უმნიშვნელოა განკიცხულთა 41 პროცენტისთვის (მნიშვნელოვანი - 34%), პოპულარული ადამიანების პოლიტიკური შეხედულებები უმნიშვნელოა 53 პროცენტისთვის (მნიშვნელოვანი - 30%), დამსაქმებლის ან თანამშრომლის შეხედულებები 48 პროცენტისთვის (21%).

ეროვნულ-დემოკრატიულმა ინსტიტუტმა (NDI) და CRRC–საქართველომ მედიას 2016 წლის ნოემბერ-დეკემბერში ჩატარებული საზოგადოებრივი აზრის კვლევის შედეგების მეორე ნაწილი წარუდგინა.

კვლევის საველე სამუშაოები ჩატარდა 4 ნოემბერი - 4 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 3,141 პირისპირ ინტერვიუს წარმომადგელობითი შერჩევის საფუძველზე. კვლევის ცდომილება 1,8 პროცენტია.

NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო