თბილისის ინფექციური საავადმყოფოს დირექტორის, თენგიზ ცერცვაძის განცხადებით, მოსახლეობის დიდ ნაწილს დღემდე არ სჯერა კორონავირუსის არსებობის და ამის გამო ექიმებს გვიან მიმართავენ. მისი თქმით, ეს სავალალო შედეგებს იწვევს.

"ახლაც კი მოსახლეობის ძალიან სერიოზულ სეგმენტს არ სჯერა, რომ არსებობს კოვიდინფექცია. მე ისევ მივმართავ იმ პაციენტებს, მოსახლეობის იმ ნაწილს, რომელმაც შეგნებულად არ მიმართა ექიმს და არ ქონია მცდელობა ექიმთან მიმართვის, თუ ჰქონდა მცდელობა და ვერ მოემსახურა ჯანდაცვა ეს ჩვენი პასუხისმგებლობაა, მაგრამ როცა არ მიმართვას ექიმს, სანამ უკიდურესად არ დამძიმდება და პირდაპირ სარეანიმაციო არ ხდება, ეს თვითონ მოსახლეობისა და პაციენტის პასუხისმგებლობაა, მაგრამ ჩვენ არ ვყოფთ პასუხისმგებლობას, ფაქტია, რომ ასეთი შემთხვევები სრულდება სავალალოდ", — განაცხადა თენგიზ ცერცვაძემ.

დღევანდელი დღის მონაცემებით გამოვლენილია ინფიცირების 2 911 ახალი შემთხვევა. გამოჯანმრთელდა — 2 421, ხოლო გარდაიცვალა 45 პაციენტი. დღეს გამოვლენილი 2 911 შემთხვევიდან, თბილისში დაფიქსირდა 1 056 შემთხვევა, აჭარაში — 476, იმერეთში — 469.

პირველი ინფიცირების შემთხვევიდან დღემდე ქვეყანაში გამოვლენილი კოვიდ-19-ის დადასტურებული შემთხვევების საერთო რაოდენობა 66 561-ს შეადგენს, სულ გამოჯანმრთელდა — 49 811 ადამიანი, ხოლო გარდაიცვალა 566 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: