ახალი აპლიკაცია ვეფხისტყაოსნის მკითხველებს საოცარ გამოცდილებას ჰპირდება
ქართული ლიტერატურის ცენტრალური ნაწილი, გადაუჭარბებლად შეიძლება ითქვას, ვეფხისტყაოსანს უკავია. საუკუნეების განმავლობაში ეპიკური პოემა არაერთგვაროვანი ფორმით იყო წარმოდგენილი, თუმცა დღესდღეობით იმაზე მეტია საჭირო, ვიდრე, ეს უბრალოდ, აკინძული ილუსტრირებული ტექსტია.
გასულ წელს ვეფხისტყაოსნის გრაფიკული ვერსია შეიქმნა, წლეულს კი გაციფრულებული სახით პოემა მობილურ აპლიკაციაში განთავსდა, რომელიც მრავალგვარი ფუნქციონალითაც გამორჩევა. აპლიკაციის წარმდგენი KJ Education არის, მისი შექმნის მიზანი და აპლიკაციის მისია კი ერთ წინადადებაშიც გადმოიცემა: "ვეფხისტყაოსნის გაგება ასე მარტივი არასოდეს ყოფილა".
საიდან გაჩნდა იდეა, შექმნილიყო ორიგინალური აპლიკაცია, რომელიც მკითხველს ახალ გამოცდილებას შესთავაზებდა, როგორ იქმნებოდა პლატფორმა და რა სიახლეებს შესთავაზებს იგი ახლო მომავალში მომხმარებელს — ამ თემაზე On.ge აპლიკაციის შემქმნელებს ესაუბრა.
"აპლიკაციის შექმნის იდეა ერთი წლის წინ გაუჩნდა ჩვენს დამფუძნებელს, მაშინ მეთერთმეტე კლასის მოსწავლე კობა ჟღენტს, რომელმაც ტექსტის ადაპტირებისთვის დახმარება სთხოვა თავის ბებიას, ბსუ-ს პროფესორს, შორენა მახაჭაძეს", — ამბობენ შემქმნელები, — "აპლიკაციის შექმნის მიზანი იყო, რომ სკოლის მოსწავლეებს, სტუდენტებსა და რუსთაველის პოემით დაინტერესებულ ყველა ადამიანს ვეფხისტყაოსნის ტექსტის უკეთ გაგებაში დახმარებოდა. გვინდოდა, პოემა ყველასათვის ხელმისაწვდომი გამხდარიყო".
მიზნად დასახული ხელმისაწვდომობა გამართლდა — აპლიკაცია, გარდა ორიგინალური ტექსტისა, მოიცავს მოსახერხებელ საშუალებებსაც ტექსტის უკეთ გასაგებად. მათ შორისაა გასრიალება — სტროფის მარცხნივ გასრიალებით მისი თანამედროვე ქართული ვერსია ჩნდება, ამასთან, ცალკე გვერდზე შეგიძლიათ გაეცნოთ შინაარსს თავების მიხედვით. ერთადაა თავმოყრილი აფორიზმებიც და რაც მეტად საინტერესოა — ესეები, რომლებიც წერით სავარჯიშოებს მოიცავს ყველაზე მნიშვნელოვან თემებზე. ესეს პლატფორმაზე დამატება თავადაც შეგიძლიათ.
აპლიკაცია, დაახლოებით, ერთი წლის განმავლობაში იქმნებოდა და, როგორც შემქმნელები აღნიშნავენ, უმთავრეს სირთულეს, პროფესორი ბებიის ტექსტის ადაპტირებაზე დაყოლიება წარმოადგენდა.
"მას მკრეხელობად მიაჩნდა უმშვენიერესი პოემის ტექსტის პროზაულ-გამარტივებული ვერსიის გაკეთება, თუმცა, როცა დარწმუნდა, როგორ უჭირთ მოსწავლეებს ვეფხისტყაოსნის ტექსტის გაგება, დაგვთანხმდა", — აცხადებენ აპლიკაციის შემქმნელები, — "ბუნებრივია, ყველაზე დიდი სირთულე იყო ვეფხისტყაოსნის ტექსტის იმგვარად ადაპტირება, რომ რუსთაველის პოემის ძირითადი აზრი, სიბრძნე და ხიბლი არ დაკარგულიყო (რა თქმა უნდა, ამის მიღწევა სრულყოფილად შეუძლებელია), მაგრამ, იმავდროულად, ყველასათვის გასაგები ყოფილიყო. განზრახვა კეთილშობილურია: მას შემდეგ, რაც მოსწავლე კარგად გაიგებს პოემის ტექსტს, მას უნდა გაუჩნდეს სურვილი, მიუბრუნდეს, წაიკითხოს და უფრო ღრმად ჩასწვდეს ვეფხისტყაოსნის ორიგინალურ ტექსტს".
სამომავლო გეგმებზე საუბრისას, შემქმნელები აღნიშნავენ, რომ ეს მხოლოდ დასაწყისია და აპლიკაცია მომხმარებლების სურვილებისა და მოთხოვნების შესაბამისად დაიხვეწება, მათ შორის, უახლოეს მომავალში დაემატება ინტერნეტის გარეშე (ოფლაინ) რეჟიმში ფუნქციონირების სერვისიც, რაც ამჟამად ერთ-ერთი ყველაზე მოთხოვნადია. ამასთან, შემქმნელებმა რამდენიმე ახალი დამატების ვიზუალი ექსკლუზიურად On.ge-ის მკითხველებს გაუზიარეს.
"შესაძლოა, მომავლისთვის აპლიკაციას დაემატოს შემდეგი ფუნქციები: თეთრი თემა აპლიკაციისთვის და ვიჯეტები", — ამბობენ შემქმნელები, — "ვიჯეტები არის ახალი ფუნქცია iOS 14-ში. მომხმარებელს შეუძლია "მიაკრას" თავის ეკრანზე რომელიმე აპლიკაციის გადიდებული ვერსია, რათა მისგან აპლიკაციის გაუხსნელად მიიღოს ინფორმაცია. ჩვენმა გუნდმა ეს შესაძლებლობა არ გაუშვა ხელიდან და მუშაობს ვეფხისტყაოსნის აპლიკაციის ვიჯეტებზე, რომლითაც მომხმარებელი ყოველდღე მიიღებს ახალ აფორიზმს თავისი განმარტებითა და პერსონაჟით, რომელიც მას ამბობს. ასე მომხმარებელი ძალდაუტანებლად, თანდათან გაეცნობა პოემის ყველა აფორიზმს. ჩვენი აპლიკაციის უმთავრესი მიზანიც ისაა, რომ დავუბრუნოთ ახალგაზრდები ვეფხისტყაოსანს. ის ხომ სასკოლო პროგრამაში შეტანილი ჩვეულებრივი ტექსტი არაა: მასში ქართველების ინტელექტუალური და სულიერი ცხოვრების უმაღლესი ღირებულებებია თავმოყრილი".
თუკი სურვილი გაქვთ, თავად ეზიაროთ საკულტო პოემის შეცნობის განახლებულ გამოცდილებას, აპლიკაციის გადმოწერას შეძლებთ, როგორც ანდროიდის, ასევე iOS მოწყობილობებისთვის.
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
-
გადახედვაემინემის ახალი ალბომი The Death of Slim Shady ზაფხულში გამოვა — ნახეთ ტრეილერი ემინემის ახალი ალბომი The Death of Slim Shady ზაფხულში გამოვა — ნახეთ ტრეილერი
-
გადახედვაოპოზიციური პარტიები 28 აპრილს, არასამთავრობო ორგანიზაციების მიერ დაანონსებულ ევროპულ მარშს უერთდებიან ოპოზიციური პარტიები 28 აპრილს, არასამთავრობო ორგანიზაციების მიერ დაანონსებულ ევროპულ მარშს უერთდებიან
-
გადახედვაქალს გულის მექანიკური ტუმბო და ღორის თირკმელი გადაუნერგეს — ისტორიაში პირველად ქალს გულის მექანიკური ტუმბო და ღორის თირკმელი გადაუნერგეს — ისტორიაში პირველად
-
-
გადახედვამოქალაქის მიმართ იძულების ფაქტზე შსს-ს თანამშრომელი ამხილეს მოქალაქის მიმართ იძულების ფაქტზე შსს-ს თანამშრომელი ამხილეს
-
-
-
გადახედვადააკავეს პირი, რომელმაც 21 400 დოლარის და 600 ევროს ოდენობის ყალბი კუპიურები გაასაღა დააკავეს პირი, რომელმაც 21 400 დოლარის და 600 ევროს ოდენობის ყალბი კუპიურები გაასაღა
-
გადახედვასომხეთმა და აზერბაიჯანმა, საზღვრის დელიმიტაციის შესახებ, შეთანხმებას მიაღწიეს — სომხეთში გადაწყვეტილებას პროტესტით შეხვდნენ სომხეთმა და აზერბაიჯანმა, საზღვრის დელიმიტაციის შესახებ, შეთანხმებას მიაღწიეს — სომხეთში გადაწყვეტილებას პროტესტით შეხვდნენ
-
-
კომენტარები