დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ განაცხადა, რომ ნებისმიერი თავყრილობა, არ აქვს მნიშვნელობა, თუ რა სახელი ერქმევა მას, ძალიან ცუდად მოქმედებს ეპიდემიოლოგიურ სიტუაციაზე.

"ნებისმიერი თავყრილობა, რას დაარქმევთ არ აქვს მნიშვნელობა ჩემთვის, ძალიან ცუდად მოქმედებს ეპიდემიოლოგიურ სიტუაციაზე, მითუმეტეს, თუ არ არის დაცული ელემენტარული წესები — ნიღაბი და დისტანცია", — განცხადა იმნაძემ.

მისივე თქმით, კანონი სეზონურ თავისებურებებს არ სცნობს, ასე უპასუხა მან კითხვას, უნდა გააკეთონ თუ არა სამედიცინო სფეროს წარმომადგენლებმა განმარტება აქციაზე წყლის გამოყენების ან სხვა ღონისძიებების მიზანშეწონილობის შესახებ.

"ჩვენ ყველა პასუხისმგებელი ვართ კანონის წინაშე. სამწუხაროდ, კანონი სეზონურ თავისებურებებს არ ითვალისწინებს", — თქვა იმნაძემ.

საქართველოში ბოლო 24 საათის განმავლობაში გამოვლენილია ინფიცირების 2 927 ახალი შემთხვევა.

პირველი ინფიცირების შემთხვევიდან დღემდე ქვეყანაში გამოვლენილი კოვიდ-19-ის დადასტურებული შემთხვევების საერთო რაოდენობა 60 680-ს შეადგენს.

ასევე, ბოლო 24 საათში გამოჯანმრთელდა 2 470 და გარდაიცვალა 24 ადამიანი. გარდაცვლილებს შორის:

  • თბილისში — 13 ადამიანია;
  • აჭარაში — 5;
  • იმერეთში — 4;
  • შიდა ქართლში — 1;
  • კახეთში —1 ადამიანი.

2020 წლის 26 თებერვლიდან დღემდე სულ გარდაიცვალა 499 ადამიანი.

დღეს გამოვლენილი 2 927 შემთხვევიდან, დედაქალაქისა და რეგიონების მიხედვით მაჩვენებლები ასე გადანაწილდა:

  • თბილისი —1 033 შემთხვევა;
  • აჭარაში — 411;
  • იმერეთში — 782;
  • ქვემო ქართლში — 130;
  • შიდა ქართლში — 74;
  • გურიაში — 53;
  • სამეგრელო-ზემო სვანეთში — 150;
  • კახეთში — 133;
  • მცხეთა-მთიანეთში — 79;
  • სამცხე-ჯავახეთში — 59;
  • რაჭა-ლეჩხუმსა და ქვემო სვანეთში — 23.

ამ ეტაპზე აქტიური ინფიცირებული შემთხვევა არის 15 113. 4 780 ადამიანი მკურნალობს საავადმყოფოში. მათ შორის, თბილისის საავადმყოფოებში — 2 356, აჭარაში — 759. მძიმე პაციენტი 645 ადამიანია, მათ შორის, თბილისში — 320, აჭარაში — 111. აქედან, ხელოვნური სუნთქვის აპარატზე არის 393 პირი, მათ შორის, თბილისში — 236, აჭარაში — 111. 2 879 ადამიანი არის კოვიდ-სასტუმროში, მათ შორის, 1 480 — აჭარაში, ხოლო 950 — თბილისში. 7 454 პირი მკურნალობს ბინაზე.

საკარანტინე სივრცეში 2 982 ადამიანი იმყოფება, მათ შორის, თბილისში — 645, აჭარაში—1 316.

სულ 6 ოქტომბრიდან — 8 ნოემბრის პერიოდში, საზღვრიდან გადაყვანილია — 13 448 პირი.

დღეის მდგომარეობით, თვითიზოლაციაში იმყოფება 37 675 პირი, საიდანაც თბილისში — 5 637 პირი, აჭარაში — 16 360, იმერეთში — 4 403.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: