არსებობს ადგილობრივი შტაბებიდან ინფორმაცია, რომ ზუგდიდში, კახეთსა და თბილისის ოლქებში ოპოზიციას მეორე ტურისთვის მზადება დაწყებული აქვს. ამის შესახებ, ირაკლი კობახიძემ ეუთო/ოდირის სადამკვირვებლო მისიის წარმომადგენლებთან შეხვედრის შემდეგ განაცხადა.

"ჩვენ გვაქვს ადგილობრივი შტაბებიდან შემოსული ინფორმაცია, რომ ოპოზიციას მეორე ტურისთვის მზადება უკვე დაწყებული აქვს, ასეთი ინფორმაცია გვაქვს კახეთიდან, ზუგდიდიდან და თბილისის ოლქებიდან", — განაცხადა კობახიძემ.

ბარიერგადალახულმა რვავე ოპოზიციურმა პარტიამ არჩევნების შედეგები ლეგიტიმურად არ აღიარა და პარლამენტის მანდატებზე უარი თქვა, მაჟორიტარმა კანდიდატებმა კი მეორე ტურში მონაწილეობა გადაიფიქრეს.