მთავრობის ადმინისტრაციის ხელმძღვანელი, ნათია მეზვრიშვილი თვითიზოლაციაში გადავიდა. ამის შესახებ მეზვრიშვილმა საკუთარ ფესიბქუგვერდზე დაპოსტა.

"კოვიდინფიცირებულთან კონტაქტის გამო, გადავედი თვითიზოლაციაში", — უწერია მეზვრიშვილს.

ეკონომიკისა და მდგრადი განვითარების მინისტრი, ნათია თურნავაც თვითიზოლაციაშია. ინფორმაცია ამის შესახებ ეკონომიკისა და მდგრადი განვითარების სამინისტრომ გაავრცელა.

როგორც სამინისტროში აცხადებენ, თურნავა კოვიდინფიცირებულთან კონტაქტის გამო გადავიდა. ამავე განცხადების თანახმად, ამ ეტაპისთვის თურნავას არ აღენიშნება კორონავირუსისთვის დამახასიათებელი რაიმე სიმპტომი და თავს კარგად გრძნობს.

თვითიზოლაციაშია პრემიერმინისტრი გიორგი გახარიაც. ის მუშაობას თვითიზოლაციიდან გააგრძელებს. ამის შესახებ ფეისბუქგვერდზე პრემიერმინისტრმა თავად დაწერა.

"სამწუხაროდ, მე ახლა განსხვავებულ რეჟიმში მიწევს მუშაობა, რადგან ჩემს თანამშრომელს, რომელთანაც გუშინ მქონდა ხანგრძლივი კომუნიკაცია, მიზნობრივი შერჩევითი ტესტირებისას დაუდგინდა კორონავირუსი. შესაბამისად, გადავედი თვითიზოლაციაში და ამ რეჟიმშიც ვაგრძელებ მუშაობას", — წერს გახარია.

გარდა ამისა, კორონავირუსი დაუდასტურდათ გიორგი გახარიას დაცვის სამ თანამშრომელს. ინფორმაცია ამის შესახებ On.ge-ს მთავრობის ადმინისტრაციის პრესსამსახურში დაუდასტურდეს.