საერთაშორისო ორგანიზაცია Human Rights Watch-მა თავის წლიურ ანგარიშში სხვა თემებთან ერთად მედიის თავისუფლების, ლგბტ პირთა დარღვეული უფლებები და პირადი ცხოვრების ხელშეუხებლობის უფლებები მიმოიხილა:

"აპრილში საკონსტიტუციო სასამართლომ არაკონსტიტუციურად სცნო კანონმდებლობა, რომელიც უფლებას აძლევს სპეცსამსახურებს შეუზღუდავი წვდომა ჰქონდეთ სხვადასხვა ტელეკომის ოპერატორების ინტერნეტზე კომუნიკაციების საკონტროლოდ და ხელისუფლებას მისი რეფორმირების ვადა 2017 წლის მარტამდე მისცა.

2014 წელს მიღებულმა კანონმდებლობამ შეზღუდვა დააწესა სამეთვალყურეო ოპერაციებზე, თუმცა ძალაში დატოვა სამართალდამცავი ორგანოების მხრიდან "შავი ყუთის გასახსნელად" სატელეკომუნიკაციო სერვისების პროვაიდერების ქსელებზე წვდომა. სასამართლო მიიჩნევს, რომ სისტემა საშუალებას იძლევა შეგროვდეს პერსონალური ინფორმაცია რეალურ დროში ეფექტიანი ზედამხედველობის გარეშე.

საპარლამენტო არჩევნებში გავლენის მოსახდენად ონლაინ ვრცელდებოდა უკანონოდ ჩაწერილი ოპოზიციური პარტიების წევრების და მათი მხარდამჭერების პერსონალური სატელეფონო საუბრები. ამ ჩანაწერებს შორის იყო ექსპრეზიდენტ მიხეილ სააკაშვილისა და ენმ-ს წევრებსა და ოპოზიციური არხის დირექტორს შორის შემდგარი საუბრები.

სახელმწიფოს უშიშროების სამსახური უარყოფდა გავრცელებულ ჩანაწერებთან რაიმე კავშირს, შსს-მ გამოძიება დაიწყო.

[2016 წლის] მარტში უცნობი პირები მთავრობის 2 წევრს, ოპოზიციის წარმომადგენელსა და ტელევიზიის ჟურნალისტს დაემუქრნენ, რომ გაასაჯაროვებდნენ მათ სექსუალური ცხოვრების ამსახველ კადრებს, თუ თანამდებობებს არ დატოვებდნენ. მუქარა იუთუბის ვიდეოების საშუალებით გავრცელდა, რომლებიც ასევე აჩვენებდნენ სახე დაბლარული ადამიანების პირად ცხოვრებას. ვიდეოები მალე წაიშალა და გამოძიება დაიწყო".