მთავარი არხის ეგზიტპოლის მიხედვით, რეგიონების ნაწილში მოსალოდნელია მეორე ტური მმართველი გუნდისა და ენმ-ს კანდიდატებს შორის, ნაწილში კი ერთ კანდიდატს ხმების 50%-ზე მეტი ექნება. კერძოდ, საბოლოოდ მონაცემების მიხედვით, ეგზიტპოლის შედეგები ასე გადანაწილდა:

  • საგარეო-გურჯაანი-სიღნაღი-დედოფლისწყარო: დავით სონღულაშვილი — 43%, ლევან ბეჟაშვილი — 38%;
  • ლაგოდეხი-ყვარელი-თელავი-ახმეტა: ირაკლი ქადაგიშვილი –— 45%, გიორგი ბოტკოველი — 42%;
  • მცხეთა-მთიანეთი-დუშეთი-ყაზბეგი: ცეზარ ჩოჩელი — 45%, შალვა კერესელიძე — 39%;
  • რუსთავი-გარდაბანი: დავით კირკიტაძე — 51%, ნინო ლაცაბიძე — 31%;
  • მარნეული: ზაურ დურგალი — 49%, აზერ სულეიმანოვი — 36%;
  • ბოლნისი-დმანისი-წალკა-თეთრიწყარო: გოგი მეშველიანი — 56%, კახა ოქრიაშვილი — 37%;
  • კასპი-გორი: ბადრი ბასიშვილი — 39%, გიორგი ხოჯევანიშვილი — 39%;
  • ქარელი-ხაშური: ნატო ჩხეიძე — 46%, ზაალ დუგლაძე — 37%;
  • ბორჯომი-ახალციხე-ადიგენი-ასპინძა: ანტონ ობოლაშვილი — 58%, ვაჟა ჩიტაშვილი — 30%;
  • ახალქალაქი-ნინოწმინდა: სამველ მანუკიანი — 70%, მელიქ რაისიანი — 5%;
  • ონი-ამბროლაური-ცაგერი-ლენტეხი-მესტია: გოჩა ენუქიძე — 61%, დილარ ხაბულიანი — 15%, გოჩა გუგრუჩიანი — 11%;
  • ხარაგაული-საჩხერე-ჭიათურა: პაატა კვიჟინაძე — 59%, გიორგი კაპანაძე — 23%;
  • თერჯოლა-ზესტაფონი-ბაღდათი-ტყიბული: ბეჟან წაქაძე — 49%, კახა გეწაძე — 25%, გიორგი წერეთელი — 19%;
  • ვანი-სამტრედია-ხონი-წყალტუბო: გივი ჭიჭინაძე — 46%, ნანუკა ჟორჟოლიანი — 39%;
  • ქუთაისი: გრიგოლ ვაშაძე — 50%, ზაზა ლომინაძე — 29%;
  • ოზურგეთი-ლანჩხუთი-ჩოხატაური: ვასილ ჩიგოგიძე — 52%, მანუჩალ კვირკველია —16%, ხათუნა გოგორიშვილი — 11%;
  • აბაშა-მარტვილი-წალენჯიხა-ჩხოროწყუ: ალექსანდრე მოწერელია — 45%, როლანდ ფიფია — 41%;
  • სენაკი-ხობი-ფოთი: ირაკლი ხახუბია — 49%, მურთაზ ზოდელავა — 32%;
  • ზუგდიდი: მალხაზ ჯალაღონია — 49%, ირაკლი ჩიქოვანი — 35%;
  • ბათუმი: ლევან ვარშალომიძე — 39%, რესან კონცელიძე — 35%;
  • ქობულეთი: ზაალ მიქელაძე — 54%, ბონდო თედორაძე — 33%;
  • ქედა-შუახევი-ხულო: ანზორ ბოლქვაძე — 46%, მიშა ბოლქვაძე — 36%.

მთავარი არხის ინფორმაციით, გამოკითხვა მთელი საქართველოს მასშტაბით ჩატარდა, პირისპირი ინტერვიუების სახით ჩატარდა და სულ გამოიკითხა 3 000 რესპონდენტი და ცდომილების ზღვარია +/-3%. კვლევა IPSOS საფრანგეთმა ჩაატარა.

რაც შეეხება პროპორციული სიის ეგზიტპოლის შედეგებს ოთხივე ტელევიზიის მონაცემების მიხედვით ქართული ოცნება ლიდერობს.

ეგზიტპოლების შესახებ

არჩევნების დღეს ეგზიტპოლები დამოუკიდებელმა ორგანიზაციებმა, მედიებმა და ISFED-მა ჩაატარეს. მათი შედეგები 8 საათზე გავრცელდა.

  • წელს არჩევნებზე ეგზიტპოლს ამერიკულ კომპანია Edison Research ტელეკომპანია ფორმულას დაკვეთით ატარებს.
  • მთავარი არხისთვის ეგზიტპოლებს ატარებს ფრანგული კომპანია IPSOS.
  • რუსთავი 2-სთვის ეგზიტპოლებს ბრიტანული კვლევითი კომპანია Survation ატარებს.
  • ტელეკომპანია იმედის დაკვეთით კი ეგზიტპოლებს ამერიკული კომპანია Public Opinion Strategies ატარებს.

არჩევნების დღეს ხმებს პარალელურად ითვლის არასამთავრობო ორგანიზაცია სამართლიანი არჩევნებისა და დემოკრატიის საერთაშორისო საზოგადოებაც (ISFED).

ედისონს საქართველოში სხვადასხვა დროს აქვს ეგზიტპოლი ჩატარებული. იუსტიციის სამინისტროს მიერ გამოქვეყნებული ინფორმაციით, IPSOS 2019 წელს ატარებდა კვლევას საქართველოში სასამართლო რეფორმების შესაფასებლად. Survation და Public Opinion Strategies კი საქართველოში ეგზიტპოლებს პირველად ატარებენ.