ენმ-ს აქტივისტს მარნეულში მომხდარ დაპირისპირებაზე, სასამართლომ 3 000 ლარიანი გირაო შეუფარდა. ამის შესახებ On.ge-ის ენმ-ს აქტივისტის ლაშა ქველაძის ადვოკატმა დიანა მარტიაშვილმა განუცხადა.

"ლაშა გირაოს გადახდის თანავე გათავისუფლდება", — განაცხადა ადვოკატმა.

ნაციონალური მოძრაობის საოლქო კომისიის წევრი, ლაშა ქველაძე გუშინ, სისხლის სამართლის კოდექსის 162-ე პრიმა მუხლით დააკავეს. რაც კენჭისყრის შენობაში, საარჩევნო კომისიის განთავსების ადგილას ან მათ მიმდებარე ტერიტორიაზე, ან წინასაარჩევნოდ აგიტაციის ან კამპანიის დროს ძალადობას, ძალადობის მუქარას გულისხმობს. დანაშაული ისჯება ჯარიმით ან/და თავისუფლების აღკვეთით ვადით ორ წლამდე.

29 სექტემბერს, მარნეულში ნაციონალური მოძრაობისა და ქართული ოცნების აქტივისტებს შორის დაპირისპირება მოხდა.