ერთიანი ნაციონალური მოძრაობის სიის პირველმა ნომერმა, ბუბა კიკაბიძემ განაცხადა, რომ მისი გამოყენება მხოლოდ შეხვედრებში შეეძლებათ, რადგან მას რუსეთში, უკრაინაში, აზერბაიჯანში, სომხეთსა და ყაზახეთშიც "სიტყვა ეთქმის".

"თუ ყველაფერი კარგად დამთავრდა, თუ ყველაფერი მშვიდობიანად დამთავრდა, ეს მთავრობა და ახალი მოვიდა, მე შეუძლიათ გამომიყენონ მარტო იმაში, რომ, ვთქვათ, შეხვედრები რომ იქნება, ჩვენი ყოფილი ძმები, რაღაცა... მე რუსეთშიც მეთქმის სიტყვა უკრაინაშიც მეთქმის, აზერბაიჯანშიც, სომხეთშიც, ყაზახეთშიც", — განაცხადა ბუბა კიკაბიძემ მთავარი არხის ეთერში.

1 ოქტომბერს ცნობილი გახდა, რომ ერთიანი ნაციონალური მოძრაობის პარტიული სიის პირველი ნომერი ბუბა კიკაბიძეა. ერთიანი ნაციონალური მოძრაობის წევრმა, თინა ბოკუჩავამ ამაზე განაცხადა, რომ ბუბა კიკაბიძე არის პატრიოტიზმის, მოუსყიდავობისა და უშიშრობის სიმბოლო, სწორედ ამიტომაა ის ძალა ერთობაშიას საარჩევნო ბლოკის პარტიული სიის პირველი ნომერი.