ევროპული საქართველოს მაჟორიტარობის კანდიდატი რუსთავსა და გარდაბანში, ირმა ნადირაშვილი, გარდაბნის რაიონის სოფელ მარტყოფში ადგილობრივებს კარდაკარის პრინციპით შეხვდა.

ირმა ნადირაშვილმა ადგილობრივების პრობლემები მოისმინა და მათ გარდამტეხი ცვლილებების გეგმა გააცნო.

ნადირაშვილის თქმით, როგორც ამ სოფელში, ისე მთლიანად ქვეყანაში არის ცვლილებების მოლოდინი.ნადირაშვილმა აღნიშნა, რომ ევროპული საქართველოს გეგმა არის სწორედ ის კონკრეტული მომავლის ხედვა, რომელიც ამოიყვანს ქვეყანას მძიმე კრიზისიდან და მოუტანს თითოეულ მოქალაქეს გარდამტეხ ცვლილებებს.

"ჩვენი გუნდი დღეს არის მარტყოფში, სადაც ვატარებთ შეხვედრებს კარდაკარ, ვაცნობთ ადამიანებს გარდამტეხი ცვლილებების გეგმას. მე ვესაუბრე უამრავ ადამიანს ამ სოფელში და მათი აზრი არის მკაფიო, რომ ახლა არის გარდამტეხი ცვლილებების და ბიძინა ივანიშვილის მოშორების დრო.

ვფიქრობ, რომ მარტყოფი, ისე როგორც გარდაბნის რაიონის სხვა სოფლები. აუცილებლად იტყვის გარდამტეხ სიტყვას ამ არჩევნებზე. ივანიშვილმა და მისმა ხელისუფლებამ მიატოვა ხალხი მძიმე გაჭირვებაში, ამიტომ საჭიროა ძირეული, გარდამტეხი ცვლილებები, რათა ამ ხალხისთვის გაიხსნას ახალი შესაძლებლობები", — განაცხადა ირმა ნადირაშვილმა.