საქართველოს უზენაესმა სასამართლომ დღეს გამოაცხადა გადაწყვეტილება ტრანსგენდერი ქალის, საბი ბერიანის მკვლელობის საქმეზე. სასამართლომ დააკმაყოფილა პროკურატურის მოთხოვნა, ლევან კოჭლაშვილი დამნაშავედ სცნო და 10 წლით თავისუფლების აღკვეთაც შეუფარდა. ინფორმაცია On.ge-ს ადვოკატმა ციალა რატიანმა დაუდასტურა.

სააპელაციო სასამართლომ 2016 წლის 25 მაისს, საბი ბერიანის მკვლელობაში ბრალდებული ლევან კოჭლაშვილი უდანაშაულოდ სცნო და ამით ძალაში დატოვა 2015 წლის 7 აგვისტოს თბილისის საქალაქო სასამართლოს გადაწყვეტილება. მაშინ, თბილისის საქალაქო სასამართლომ საბი ბერიანის მკვლელობაში ბრალდებული ნაწილობრივ გაამართლა. განაჩენის თანახმად, ლევან კოჭლაშვილი პირველი ინსტანციის სასამართლომ უდანაშაულოდ სცნო საბი ბერიანის მკვლელობაში, ხოლო დამანაშავედ - ბიანკა შიგუროვას ცემასა და ხანძრის განზრახ გაჩენაში.

2014 წლის 11 ნოემბერს ტრანსგენდერი საბი ბერიანი საკუთარ ბინაში მოკლეს. შსს-ს ინფორმაციით, მკვლელობა ბრალდებულსა და ბერიანს შორის შელაპარაკების დროს მოხდა