31 ოქტომბრის საპარლამენტო არჩევნებზე, თუკი საჭირო გახდება, საერთაშორისო დამკვირვებლებისთვის სპეციალური ფრენები დაინიშნება. ამის შესახებ საქართველოს საგარეო მინისტრმა, დავით ზალკალიანმა განაცხადა.

"საერთაშორისო დამკვირვებლები საქართველოში არანაირი შეზღუდვები არ ექნებათ და მიეცემათ შესაძლებლობა, პირველ რიგში უზრუნველყოფილი იყოს მათი უსაფრთხოება ჯანმრთელობის თვალსაზრისით, რომ როგორ უსაფრთხოდაც ჩამოვლენ ისე უსაფრთხოდ დაბრუნდნენ საკუთარ ქვეყნებში. ეუთო-ოდირის მისიამ უკვე დაიწყო დაკვირვების პროცესი ასევე, IRI და NDI სხვადასხვა ფორმებით უკვე დისტანციურად ახორციელებენ დაკვირვების პროცესს", — აღნიშნა დავით ზალკალიანმა.

მისი თქმით, უზრუნველყოფილი იქნება საერთაშორისო დამკვირვებლების მაქსიმალური ჩართულობა და მათი უსაფრთხოების გარანტიები.