საქართველოს მესამე პრეზიდენტი მიხეილ სააკაშვილი მარნეულში მომხდარ დაპირისპირებაში ქართლ ოცნებას ადანაშაულებს მისი თქმით, მათ უნდათ რომ ქვეყანაში იყოს არეულობა.

"ტყუილს სიყალბეს ჩვენ უნდა ვიპასუხოთ ხელისუფლების მშვიდობიანი გადაცემით, ყველანი მობილიზებული უნდა ვიყოთ არჩევნებზე უნდა ვიყოთ დარაზმულები, მათ უნდათ რომ იყოს არეულობა"— განაცხადა მიხეილ სააკაშვილმა.

დღეს მარნეულში, დაპირისპირება მმართველი პარტიის აქტივისტებსა და ნაციონალური მოძრაობის მხარდამჭერებს შორის მოხდა. რა დროსაც დაშავდა რამდენიმე ადამიანი, მათ შორის მთავარი არხის 4 ჟურნალისტი და საზოგადოებრივი მაუწყებლის ოპერატორი, რომელსაც კამერა დაუმტვრიეს და ფიზიკურად გაუსწორდნენ. დაშავებულები კლინიკაში არიან გადაყვანილი.