"მტრის გარდა, ძმათა შორის ბრძოლაში გამარჯვებული არ არსებობს და წარმატება მხოლოდ ერთიანი ძალისხმევით მიიღწევა", — ასე გამოეხმაურა საქართველოს პრეზიდენტი სოხუმის დაცემი 27-ე წლისთვს. მისი თქმით, როგორც აფხაზებმა, ასევე, საქართველოს ყველა დანარჩენმა მოქალაქემ უნდა გავითავისოთ, რომ მხოლოდ ერთად და ერთიანი ძალისხმევით შევძლებთ წარსული ჭრილობების მოშუშებას.

პრეზიდენტის პრესსამსახურის ინფორმაციით, ზურაბიშვილი მემორიალთან არ მისულა და მის ნაცვლად, მემორიალთან ყვავილები კონფლიქტებისა და თავდაცვისა და უსაფრთხოების საკითხებში მრჩევლებმა მიიტანეს.

სოხუმის დაცემიდან დღეს 27 წელი გავიდა. სამხედრო დაპირისპირება აფხაზეთში 1992 წლის 14 აგვისტოს დაიწყო. კონფლიქტი 13 თვესა და 13 დღეს გრძელდებოდა. სოხუმისთვის ბრძოლა კი 11 დღის განმავლობაში მიმდინარეობდა და ქალაქის დაცემით დასრულდა.

სოხუმის დაცემის 27 წლისთავთან დაკავშირებით და აფხაზეთის ომში, დაღუპულთა ხსოვნის პატივის მიგების მიზნით, ყველა სახელმწიფო უწყების შენობაზე სახელმწიფო დროშა დაეშვა.