ამბერ პასტორი, რომელმაც ორი მცირეწლოვანი შვილი - 6 წლის ვაჟი და 7 წლის ქალიშვილი სასიკვდილოდ გაიმეტა, ამბობს, რომ ეს ბავშვების კეთილდღეობისთვის გააკეთა. მან ჰკითხა შვილებს, რა ერჩიათ: ჰქონოდათ დედის მსგავსად რთული ცხოვრება თუ წასულიყვნენ უკეთეს ადგილას, სამოთხეში.

ფოტო: people

მკვლელმა დედამ შვილები მანქანასთან ერთად გაიტაცა მამის სახლიდან, რომელიც ბავშვების ოფიციალური მეურვე იყო. ამ დანაშაულს ის ერთი თვის მანძილზე გეგმავდა. ამბერმა გატაცებიდან მალევე მოკლა ჯერ ქალიშვილი, ხოლო შემდეგ ვაჟი. როგორც ის ამბობს, ბიჭს დასთან ერთად უნდოდა წასვლა სამოთხეში.

"ისინი კარგი ადამიანის ხელში იყვნენ, თუმცა არ ვფიქრობ რომ უსაფრთხოდ გრძნობდნენ თავს, ჩემი შვილები ახლა უკეთეს ადგილას არიან, ისინი სამოთხეში მოხვდნენ. ახლა მათ აღარაფრის აღარ უნდა ეშინოდეთ".

როდესაც მას ჰკითხეს, ბავშვები იბრძოდნენ თუ არა თავის გადასარჩენად, პასტორმა უპასუხა: "კი, ცოტათი".