Cuties-ის სკანდალის გამო, აშშ-ში Netflix-ის გამოწერები 8-ჯერ შემცირდა
კვლევითი კომპანია YipitData-ს მონაცემებით, ფილმ Cuties-ში არასრულწლოვნების სექსუალიზების ბრალდებით დაწყებული კამპანიის გამო, აშშ-ში Netflix-ის გამოწერები მნიშვნელოვნად შემცირდა.
ნეტფლიქსის გამომწერთა რიცხვმა კლება 10 სექტემბერს დაიწყო — ფილმის გამოსვლის მომდევნო დღეს. ამავდროულად, ტვიტერის ტოპ-ტრენდებში ჰეშტეგი #CancelNetflix (გააუქმე ნეტფლიქსი) გამოჩნდა.
შაბათს, 12 სექტემბერს, ნეტფლიქსის გამოწერის გაუქმების რიცხვი აშშ-ში რვაჯერ უფრო დიდი იყო, ვიდრე აგვისტოს თვეში გამოწერების საშუალო მაჩვენებელი. კამპანია #CancelNetflix სოციალურ მედიაში კვლავ ტოპ-ტრენდშია, ამიტომ, როგორც კვლევითი კომპანია ვარაუდობს, გამომწერთა რიცხვის შემცირება, შესაძლოა, კვლავ გაგრძელდეს.
მიუხედავად ამისა, უცნობია, რამდენად დიდი გავლენა ექნება ამ ფაქტს საბოლოო ჯამში ნეტფლიქსის გამომწერთა მონაცემებზე. მომხმარებლები, როგორც წესი, მუდმივად აუქმებენ ნეტფლიქსის და სხვა სერვისების გამოწერებს, ამდენად YipitData-ის მონაცემები მთლიანობაში, შესაძლოა, მხოლოდ მოკლევადიან პერიოდს ასახავდეს და არ წარმოაჩენდეს სრულ სურათს. ივნისის მიწურულის მონაცემებით, კომპანიას 193 მილიონი ფასიანი გამომწერი ჰყავდა მთელ მსოფლიოში, აქედან 25,9 მილიონი კი ახალი გამომწერია, რომელიც ნეტფლიქსმა 2020 წლის პირველ ნახევარში, მეტწილად სრული კარანტინის პერიოდში, მოაგროვა.
მიუხედავად მომხმარებლების ბოიკოტის კამპანიისა, კომპანიამ ფილმი Cuties, რომელიც ფრანგი კინორეჟისორის, მაიმუნა დუკურეს, ნამუშევარია, დაიცვა. ნეტფლიქსის თქმით, კინოსურათი ერთგვარი "სოციალური განაცხადია", თუ რა შედეგები, შესაძლოა, მოჰყვეს არასრულწლოვანი გოგოების სექსუალიზებას. მათ, ვინც ფილმს გმობს, კომპანიამ მისი ნახვისკენ მოუწოდა.
მომხმარებლების პროტესტი ჯერ კიდევ აგვისტოში დაიწყო, როცა ფილმის ტრეილერი გავრცელდა. ამ დროისთვის ნეტფლიქსის იუთუბ არხზე ატვირთულ ტრეილერს 54 ათასი მოწონების საპირწონედ 2 მილიონი "დისლაიქი" აქვს.
Cuties 11 წლის სენეგალელ გოგოზეა, რომელიც პარიზში ცხოვრობს და "თავისუფალი სულის ცეკვის ჯგუფს" (სახელად Cuties — საყვარლები) შეურთდება. ეს ქმედება მისი აღქმით, ერთგვარი პროტესტია მუსლიმი ოჯახის მჩაგვრელი ტრადიციების წინააღმდეგ. ფილმის პროტაგონისტი, ემი და საყვარლები ცეკვით არიან დაკავებულები, რომლებიც ხშირად სექსის სიმულირებას ახდენს. კინოსურათის კამერის ობიექტივში მოხვედრილია არასრუწლოვნების ინტიმური ადგილებიც. როგორც კრიტიკოსები აცხადებენ, მოზარდი პერსონაჟები აგრეთვე ჩნდებიან სხვადასხვაგვარ სექსუალურ სიტუაციებშიც. მაგალითად, ემი მის ზრდასრულ ბიძაშვილთან "გამომწვევად იქცევა", რათა ტელეფონის მოპარვის გამო არ დაისაჯოს.
დუკერეს თქმით, ფილმში ნაჩვენებია, თუ რატომ არის აუცილებელი, სოციალურ ქსელებში გავრცელებული "ბავშვების ჰიპესექსუალიზების" პრობლემა მთელ მსოფლიოში გადაიჭრას.
"ბავშვები უნდა დავიცვათ. მე მხოლოდ ის მსურს, ხალხს თვალი ავუხილო და პრობლემა დავანახო, რათა მისი გადაჭრა მოვახერხოთ", — ამბობს რეჟისორი.
ფილმი ნეტფლიქსზე გამოსვლისთანავე ერთ-ერთ ყველაზე ყურებად კინოდ იქცა. 15 სექტემბერს Cuties აშშ-ში ნეტფლიქსზე ყველაზე პოპულარული ფილმი იყო. რეიტინგი შედგენილია იმის მიხედვით, თუ რამდენი მომხმარებელი უყურებს ნამუშევარს ორ წუთზე მეტი ხნის განმავლობაში.
Cuties პრემიერა 2019 წლის სანდენსის კინოფესტივალზე შედგა, სადაც მან მსოფლიოს კინოდრამატული რეჟისურის ჯილდო მოიპოვა. პრემიერამდე ფილმის მსოფლიოში (საფრანგეთის გარდა) ჩვენების უფლებები მოიპოვა ნეტფლიქსმა. Cuties "TV-MA" კატეგორიას (ზრდასრული მაყურებლების) კატეგორიას მიეკუთვნება კინონამუშევარში გამოყენებული ლექსიკის გამო.
გასულ თვეში ნეტფლიქსი კრიტიკის ქარცეცხლში გაეხვა, მას შემდეგ, რაც ფილმის პრომო- პოსტერი გავრცელდა, სადაც არასრულწლოვანი მსახიობები "გამომწვევ პოზაში" იყვნენ ნაჩვენები. მოგვიანებით კომპანიამ "შეუფერებელი ნამუშევრის" გამო მოიბოდიშა და განაცხადა, რომ იგი ფილმის შინაარსს არ წარმოაჩენდა.
"საკამათო სიტუაცია პრომო-პოსტერმა შექმნა", — ამბობს დუკურე, — "ყველაზე მნიშვნელოვანი ის არის, ფილმს უყუროთ და გაიაზროთ, რომ ჩვენ ამ ბრძოლაში მოკავშირეები ვართ".
ფილმის საწინააღმდეგო კამპანია შეთქმულების თეორიას უკავშირდება, რაც ცალსახად დეზინფორმაციის გავრცელებას ემსახურება. აშშ-ის რამდენიმე მემარჯვენე პოლიტიკოსმა კინონამუშევარი დაგმო. მათ შორის იყო სენატორი ტედ კრუზი, რომელმაც ფილმს "ბავშვების პორნოგრაფია" უწოდა და ქვეყნის იურიდიულ დეპარტამენტს მოუწოდა, შეესწავლა ნეტფლიქსის მიერ აშშ-ში მოქმედი კანონის შესაძლო დარღვევის ფაქტი.
"ამგვარი სცენების ჩვენება და დისტრიბუცია დაუშვებელია — მიუხედავად ფილმის შემქმნელის რეპუტაციისა", — განაცხადა კრუზის წარმომადგენელმა და დასძინა, რომ თავად სენატორს ფილმი არ უნახავს.
ნეტფლიქსს ფილმის პლატფორმიდან წაშლისკენ მოუწოდა ამერიკულ-ისლამური ურთიერთობების საბჭომაც (CAIR). მათი თქმით, "აღმაშფოთებელია ფილმში ნაჩვენები ბავშვების სექსუალიზება და ისლამის და მუსლიმების შეურაცხყმყოფელი და სტერეოტიპული წარმოჩინება".
ფილმი ასევე დაგმო მშობელთა სატელევიზიო საბჭომ და ეროვნულმა ცენტრმა სექსუალური ექსპლუატაციის შესახებ (NCOSE), რომელმაც ნეტფლიქსს მოუწოდა, ან ფილმში ნაჩვენები სცენები ამოეჭრა, ან მთლიანად აეღო კინოსურათი პლატფორმიდან.
"თუმცაღა დასაფასებელია რეჟისორ მაიმუნა დუკურეს მცდელობა, ინტერნეტსივრცესა და სოციალურ მედიაში არსებულ საფრთხეებზე ცნობიერება აამაღლოს, ვერ მოვიწონებთ ფილმში ასახულ არასრულწლოვანი მსახიობების ექსპლუატაციას", — ამბობს NCOSE-ს კორპორაციული და სტრატეგიული ინიციატივების დირექტორი, ლინა ნილონი, — "საჭირო არაა, მაყურებელმა ხანგრძლივი სცენები ნახოს, სადაც გოგოების სხეული ახლო კადრებითაა გადაღებული; ეს სექსუალიზების საფრთხეების შესახებ ცნობიერებას არ ამაღლებს".
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვაLIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა LIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა
-
გადახედვა126 სამოქალაქო და მედიაორგანიზაცია ხელისუფლებასთან თანამშრომლობას წყვეტს 126 სამოქალაქო და მედიაორგანიზაცია ხელისუფლებასთან თანამშრომლობას წყვეტს
-
გადახედვაკროსვორდი: გამოიცანი ევროპის ქალაქი ღირშესანიშნაობით კროსვორდი: გამოიცანი ევროპის ქალაქი ღირშესანიშნაობით
-
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვაშსს-მ დააკავა პირი, რომელმაც გარდაბანში თანასოფლელი მოკლა შსს-მ დააკავა პირი, რომელმაც გარდაბანში თანასოფლელი მოკლა
-
გადახედვამანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა მანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა
-
გადახედვასანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო სანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო
-
გადახედვანიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს ნიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს
-
გადახედვა"ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს "ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
კომენტარები