საპარლამენტო უმრავლესობის ერთ-ერთი ლიდერი და ქართული ოცნების თავმჯდომარე მამუკა მდინარაძე განმარტავს რომ ეროვნული ვალუტის კურსზე სავაჭრო პარტნიორების რთული მდგომარეობა მოქმედებს და ახალმა მთავრობამ რაც შეიძლება ადეკვატური ნაბიჯები უნდა გადადგას:

"ჩვენ მოკლებული ვართ იმ აზრს, რომ ჩვენთან ყველაფერი კარგად არის. ბუნებრივია ეს ასე არ არის და ჩვენი სავაჭრო პარტნიორების მდგომარეობა ჩვენს ქვეყანაზე ძალიან მოქმედებს".

მდინარაძე ნაციონალური მოძრაობის მიერ პაერლამენტში მთავრობის ეკონომიკური გუნდის მისვლის მოთხოვნას ეხმიანება და ამბობს, რომ თუ ამის საჭიროება იქნება, ეს უმრავლესობის ინიციატივითაც მოხდება, ამ ეტაპზე კი მისი აზრით, ხელისუფლებამ მუშაობა უნდა განაგრძოს:

"მთელი პასუხიმგბელბობით გეტყვით, რომ თუ ამის საჭიროება იქნება, ჩვენ ამაზე უკან არ დავიხევთ. ჩვენც ვიქნებით ამის ინიციატორები. მოგეხსენებად მთავრობა ახალი დამტკიცებულია ჩვენს მიერ, რეგიონში არის უმწვავესი გამოწვევები. სავალუტო კრიზისი ჩვენს სავაჭრო პარტნიორებშიც არის, ამიტომ საქართველოს ხელისუფლებამ რაც შეიძლება ადეკვატური ნაბიჯები უნდა გადადგას, რომ რაც შეიძლება ნაკლებად იმოქმედოს ამ ყველაფერმა თითოეულ ადამიანზე და ნაკლები იყოს ინფლაციის მაჩვენებელი. ჩვენ ვფიქრობთ, რომ ამ ხალხს მუშაობა უნდა დავაცადოთ".

ნაციონალური მოძრაობის წევრი ოთხო კახიძე აცხადებს, რომ ეკონომიკური გუნდი პარლამენტში უმცირესობის სხდომაზე უნდა მივიდეს და მათ შეკითხვებს უპასუხოს. კახიძის განცხადებით, მთავრობამ უკან უნდა გაიწვიოს ის ინიციატივები, რაც ბიუჯეტის პროექტში შევიდა:

"ისინი უნდა მოვიდნენ უმცირესობის სხდომაზე, მოისმინონ კითხვები, რომელიც აქვს საზოგადოებას და შემდეგ შესთავაზონ გამოსავალი".