საქართველოს პრეზიდენტმა პარლამენტისა და აჭარის ავტონომიური რესპუბლიკის უმაღლესი საბჭოს არჩევნების თარიღად 31 ოქტომბერი დაასახელა. შესაბამისი განკარგულება მან უკვე გამოსცა.

პრეზიდენტმა მიმართა საზოგადოებასაც და მოუწოდა, რომ არჩევნებამდე დარჩენილი ორი თვე "მშვიდობიანად ჩავატაროთ".

"ამ არჩევნებს განსაკუთრებული მნიშვნელობა აქვს! ჩვენ ამით კიდევ ერთხელ დავადასტურებთ ჩვენი ქვეყნის დემოკრატიულობას.

ისევე როგორც რამდენიმე თვის წინ, დღესაც ჩვენმა საზოგადოებამ აჩვენა მსოფლიოს, რომ შეუძლია მართოს ასეთი მძიმე ეპიდემია და თავისი მაღალი საზოგადოებრივი შეგნებით დაანახოს, რომ ჩვენ პასუხისმგებლიანი მოქალაქეები ვართ; სწორედ ასევე, უნდა ჩავატაროთ არჩევნები", — აღნიშნა სალომე ზურაბიშვილმა.

მისივე თქმით, ქვეყანაში შესაძლებელია, რომ დემოკრატიულად, მშვიდობიანად და გამჭვირვალდე ჩატარდეს.

ვიცი და მჯერა, რომ ჩვენ შეგვიძლია მომავალი არჩევნები ასე დემოკრატიულად, მშვიდობიანად და გამჭვირვალედ ჩავატაროთ", — განაცხადა სალომე ზურაბიშვილმა.

ოქტომბრის წლევანდელი არჩვენები პირველი შემთხვევა იქნება, როცა არჩევნები 120/30 სისტემით ჩატარდება.