ბათუმს ყოველწლიურად უამრავი ტურისტი სტუმრობს, თუმცა ქათქათა ბათუმში შესანიშნავი პლაჟის გარდა კიდევ უამრავი გასართობია, რომელმაც შენი ყურადღება შეიძლება მიიპყროს და შთაბეჭდილებებით აგავსოს.

თევზის ბაზარი

ბათუმში ერთ-ერთი პოპულარული ადგილია თევზის მოყვარულებისთვის. აქ ორშაბათობით შედარებით სიხალვათეა, ხოლო პარასკევს და კვირის დასვენების დღეებში აქაურობა ადგილობრივებით და დამსვენებლებით ივსება. თევზის ბაზარში ზღვის პროდუქტების სრული მრავალფეროვნებაა წარმოდგენილი მიდიების და კობორჩხალების ჩათვლით. აქ შეხვდებით როგორც აკვარიუმიუს, ასევე შავ ზღვაში დაჭერილ თევზს და რაც ყველაზე მთავარია, ყველაფერი ახალია. ამასთანავე, შეძენილი პროდუქტი შეგიძლიათ ადგილზევე მოამზადებინოთ და იქვე რომელიმე რესტორანში, ზღვის პირას მიირთვათ.

სქროლი

ბათუმისთვის ახალი ხილია და იგი განკუთვნილია ქალაქში მობილობის გასაზრდელად, ზაფხულში ბათუმში არანაკლებ გადატვირთულია, ვიდრე თბილისში, ხოლო ელექტროსკუტერი საშუალებას მოგცემს ამ შესანიშნავ ქალაქში სწრაფად გადაადგილდე და სეირნობით სიამოვნებაც მიიღო. სქროლის გააქტიურება სმარტფონში ჩაწერილი შესაბამისი აპლიკაციით შეგიძლია. Რთავ კამერას, ასკანერებ QR კოდს, აჭერ ანლოქს და გადაადგილების სწრაფი და მარტივი საშუალება შენია.

ველოსიპედი

თუ ახალ სქროლს, გამოცდილი და საიმედო ტრანსპორტი გირჩევნია, ბათუმი ველოსიპედსაც გთავაზობს. ბულვარში ველოსიპედით სეირნობა, განსაკუთრებით საღამოს საათებში მართლაც განსაკუთრებული სიამოვნებაა. როგორც ძველ, ასევე ახალ ბულვარს გამორჩეული ხიბლი აქვს, ბულვარის ძველი ნაწილიდან ქალაქის უმშვენიერესი ნაწილი ჩანს, ხოლო ახალ ნაწილში ბევრად თავისუფალია საველოსიპედო ბილიკი, ასევე ზღვის ხედს ბილიკის ფაქტურაც განსახვავებულია.

საბაგირო გზა

ერთ-ერთი ყველაზე მიმზიდველი საშუალებაა ბათუმში, ქალაქის ხედებით დასატკბობად. საბაგიროზე დაჯდომა გოგებაშვილის ქუჩიდან შეგიძლია, შემდეგ კი ის ქალაქის თავზე მისეირნობს და ფერიას მთისკენ მიემართება. ფერიას მთიდან იშლება შესანიშნავი ხედი ბათუმზე და მის სანაპიროზე.

ბერეგი

იგივე რესტორანი სანაპირო ბათუმის ერთ-ერთი ყველაზე ავთენტური და ნამდვილად ბათუმური ადგილია. აქ შეგიძლია ზღვის სანაპიროზე მიირთვა აჭარული, დალიო უგემრიელესი ბათუმური ყავა, დააკვირდე ზღვაში მედუზებს და თუ დილით მიხვალ პორტში გემების შემოსვლის ყურებითაც დატკბე. თუ ნამდვილი ბათუმის ნახვა გინდა ძირძველი ბათუმელების გარემოცვაში, მაშინ ეს ადგილი შენთვის არის.

მთაში, ბარში თუ ზღვაზე, მთელი საქართველოს მასშტაბით შეგიძლია მარტივად ნახო საშენო დასასვენებელი სახლი rent.myhome.ge-ზე. ახალი პლატფორმის მეშვეობით ონლაინ დაჯავშნით შენთვის სასურველ ნებისმიერი ტიპის ქონებას, ეს იქნება ბინა, სახლი სასტუმრო თუ კოტეჯი და ვებგვერდიდან გაუსვლელად მიიღებ ინფორმაციას სხვა დამატებითი სერვისების შესახებ. Visa-ს ბარათით დაჯავშნისას კი გადახდილი თანხის 20% ანგარიშზე დაგიბრუნდება.