ერთიანი ნაციონალური მოძრაობის წევრის, თინა ბოკუჩავას თქმით, იმ ამომრჩევლისთვის, რომელიც მის პარტიას ჰყავს, მიხეილ სააკაშვილში მიზიდულობის ძალას წარმოადგენს.

"უკაცრავად, მაგრამ ის ამომრჩეველი, ვინც ჩვენ გვყავს, მიხეილ სააკაშვილში ხედავს პოლიტიკურ ლიდერს, რომელიც არის დიდი მიზიდულობის ძალა მათთვის, ასიათასობით ჩვენი თანამოქალაქისთვის", — ამბობს ბოკუჩავა ტვ პირველის ეთერში.

მისივე თქმით, როცა ოპოზიციის ლიდერები, განსაკუთრებით კი ისინი, ვისაც წინა ხელისუფლებაში წამყვანი პოზიციები ეჭირა, თავს ესხმიან მიხეილ სააკაშვილს და შემდეგ იგივე ამომრჩეველს არჩევნებზე მხარდამჭერას სთხოვენ, მიუღებელია და ეს თანამშრომლობას ართულებს.