ეკონომისტი გიორგი პაპავა On.ge-სთან საუბრისას აცხადებს, რომ ეროვნულ ვალუტაზე უარყოფითად აისახება როგორც ნეგატიური სავაჭრო ბალანსი, ასევე მთავრობის პოლიტიკაც:

"მთავრობის პირდაპირი პასუხისმგებლობაა ის, რა მდგომარეობაშიც არის ლარი. იმიტომ, რომ, ის ათ პუნქტიანი გეგმა რაც გამოაცხადეს, არაა ეკონომიკის ზრდაზე ორიენტირებული ცვლილებები და როდესაც ქვეყანაში ტარდება ცვლილებები, რომლებიც ეკონომიკურ ზრდას არ უწყობს ხელს, შესაბამისად მოლოდინები უარესდება და გაუარესებული მოლოდინების შედეგია ის, რაც გვაქვს დღეს ლარის კურსთან მიმართებაში.

დიდი ხანია უკვე გვაქვს გაცილებით ნაკლები ექსპორტი, ვიდრე იმპორტი, ამის დაბალანსება უნდა მოხდეს ინვესტიციებით, წელს ვხედავთ, რომ ამ მიმართულებით არც თუ ისე სახარბიელო მდგომარეობა გვაქვს. ნეგატიური სავაჭრო ბალანსი ეროვნულ ვალუტაზეც უარყოფითად აისახება".

დღეს ლარი თითქმის 5 თეთრით გაუფასურდა დოლართანაც და ევროსთანაც.

ეკონომიკურ მდგომარეობასთან დაკავშირებით, On.ge მალე შემოგთავაზებთ გიორგი პაპავასთან ვრცელ ინტერვიუს. გვადევნეთ თვალი ჩვენს ფეისბუკის გვერდზე და გაიგეთ მეტი.