ამერიკელმა კონგრესმენმა, ჯონ კატკომ, 12 წლის საქართველოში რუსეთის შეჭრის შესახებ განცახდება გამოაქვეყნა და ქვეყნის სუვერენიტეტის პატივისცემის აუცილებლობაზე ისაუბრა.

"მაშინ, როცა ჩვენ კიდევ ერთხელ ვადასტურებთ ჩვენს მხარდაჭერას საქართველოს მიმართ, მსგავსი თავდასხმების პრევენციაზეც უნდა ვიზრუნოთ და ხელი შევუწყოთ ჩვენი მოკავშირეების მზადყოფნას სამომავლოდ", — განაცახდა კონგრესმენმა.

კონგრესმენის განცახდებით, რუსეთის მიერ საქართველოს ტერიტორიების მუდმივი ოკუპაცია მკაფიო შეხსენებაა იმისა, რომ დემოკრატიულ მოკავშირებთან პარტნიორობაა საჭირო, რადგან, მისი განცახდებით, ბევრი მათგანი ამერიკის დახმარებაზეა დამოკიდებული.

როგორც კატკომ აღნიშნა, ქვეყნის სუვერენიტეტის პატივისცემის მნიშვნელობის შეხსენება საჭირო არ უნდა იყოს, მაგრამ იმის ფონზე, რომ აგრესია და ოკუპაცია კვლავ გრძელდება, მსოფლიოსთვის ამის შეხსენება აუცილებელია.

კონგრესმენი, ასევე, აღნიშნავს, რომ რუსეთის მიერ საქართველოს დარბევა, არა მხოლოდ ბრძოლის ველზე, არამედ კიბერსივრცეშიც მოხდა, რამაც მნიშვნელოვნად შეასუსტა საქართველოს საპასუხო რეაგირების უნარი.