თურქეთში, ნარკოტიკებთან დაკავშირებული გამოძიების ფარგლებში, მსახიობი ჰანდე ერჩელი სამედიცინო ექსპერტიზაზე გადაიყვანეს. ინფორმაციას თურქული მედია ავრცელებს.

Türkiye Today-ის ცნობით, დღეს მსახიობი, რომლის დაკავების ორდერი იყო გაცემული, ჩაღლაიანში მდებარე სტამბოლის სასამართლოში გამოცხადდა. ერჩელი ჩვენების მიცემის შემდეგ, სტამბოლის სასამართლო ექსპერტიზის საბჭოში გადაიყვანეს.

ფოტო: Türkiye Today

მსახიობს ექსპერტიზაზე თმისა და სისხლის ნიმუშები უნდა აუღონ. აქვე შეგახსენებთ, რომ 25 მარტს ჰანდე ერჩელის დაკავების ორდერი გაიცა. ამ საქმეზე დაკავებულია 14 ადამიანი საფეხბურთო კლუბ გალათასარაის ყოფილი პრეზიდენტი, ბერიქთაშის ყოფილი თავმჯდომარე, ჰაკან და კერიმ საბანჯები, მოდელები დიდემ სოიდანი, გუზიდე დურანი და სხვები.

გამოძიება მოიცავს ბრალდებებს ნარკოტიკების წარმოებაზე, გაყიდვასა და პროსტიტუციის წახალისებაზე.

ფოტო: Hande Erçel/IG

აღსანიშნავია ისიც, რომ მსახიობმა ბრალდებები უმალვე უარყო. როგორც მან ინსტაგრამზე გამოქვეყნებულ სთორიში დაწერა, ის სასწავლებლად საზღვარგარეთ იმყოფებოდა და მზად იყო, ნებისმიერ დროს მიეცა ჩვენება.

ჯერჯერობით უცნობია, დააკავებენ თუ არა მსახიობს.