გამოცემა "ბათუმელების" ცნობით, ბათუმის საკრებულოს თავმჯდომარემ, ივანე მაისურაძემ მოამზადა საკრებულოს განკარგულების პროექტი, რომლის მიხედვითაც თავმჯდომარეს, მის მოადგილეებსა და კომისიების თავმჯდომარეებს სატელეფონო საუბრების ხარჯები ბიუჯეტიდან აუნაზღაურდება.

განკარგულების პროექტის მიხედვით, ლიმიტები ასე გადანაწილდა:

საკრებულოს თავმჯდომარე სატელეფონო ხარჯებისთვის ფულს თავისი ხელფასიდან, ანუ 9600 ლარიდან კი არ დახარჯავს, მას ბიუჯეტიდან 70 ლარი ჩაერიცხება თვეში. ერთ წელში ეს თანხა 840 ლარი იქნება. საკრებულოს ორივე მოადგილე ტელეფონისთვის თვეში 60-60 ლარს მიიღებს.

საკრებულოს ფრაქციების თავმჯდომარეებისა და მათი მოადგილეებისთვის 50-50 ლარი განსაზღვრეს.

ბათუმის საკრებულოს თავმჯდომარის ხელფასი 9600 ლარია, მისი პირველი მოადგილის ხელფასი – 8000 ლარი, მეორე მოადგილის ხელფასი კი 7200 ლარით განსაზღვრეს, — წერს "ბათუმელები".