ორი წლის შემდეგ, რაც ლეა ჰალტონის 12-წამიანმა ვიდეომ TikTok დაიპყრო, კლიპი პლატფორმის ყველა დროის რეკორდსმენი გახდა.

ამ დროისთვის ლეას 76 მილიონზე მეტი მოწონება აქვს მიღებული ვიდეოზე, რომელშიც YG Marley-ს სიმღერას, Praise Jah in the Moonlight-ს, ტუჩებს აყოლებს. ამ მაჩვენებლით მან ბელა პორჩის მანამდე არსებული რეკორდი მოხსნა და TikTok-ის ისტორიაში ყველაზე მეტი მოწონების მქონე ვიდეოს ტიტული მოიპოვა.

იხილეთ ვიდეო:

@looooooooch Summer😊#Inverted ♬ Praise Jah In The Moonlight - YG Marley

"დღეს ძალიან ამაღელვებელი დღეა, რადგან ჩვენ ახლახან TikTok-ის ყველა დროის ყველაზე მეტი მოწონების მქონე ვიდეოს რეკორდი მოვხსენით," — აღნიშნა ჰალტონმა ორშაბათს გამოქვეყნებულ ვიდეოში. "ჩვენ, რადგან თქვენს გარეშე ამას ვერ შევძლებდი. თავს ძალიან ბედნიერად და იღბლიანად ვგრძნობ. დაუჯერებელია — ზუსტად ამ დროს, ორი წლის წინ, ეს ვიდეო გამოვაქვეყნე; შარშან, იმავე პერიოდში, ვიდეომ მილიარდი ნახვა დააგროვა, წელს კი, იმავე დროს, TikTok-ის ყველაზე მეტი მოწონების მქონე ვიდეო გახდა. სიგიჟეა, ნუთუ თებერვალი ჩემი თვეა?"

"ხშირად მეკითხებიან, როგორ შეცვალა ამ ვიდეომ ჩემი ცხოვრება. გავაცნობიერე, რომ ამ ყველაფერმა ბევრად უფრო პოზიტიური გამხადა და ჩემი აზროვნება სრულიად შეცვალა. ჩემი მაგალითი გამოიყენეთ და გამოაქვეყნეთ ის, რაც გსურთ, რადგან სხვისი აზრებისთვის რომ მომესმინა, ახლა აქ ნამდვილად არ ვიქნებოდი."

ლეა ჰალტონი ავსტრალიელი მოდელია, რომელსაც TikTok-ზე 15 მილიონზე მეტი გამომწერი ჰყავს.

ნახეთ ბელა პორჩის ვიდეო, რომელსაც ლეას ვიდეოს მოწონებებმა თებერვალში გადაასწრო:

@bellapoarch To the 🐝 🐝 🐝 #fyp ♬ M to the B - Millie B