ფინანსთა სამინისტროს საგამოძიებო სამსახურის ინფორმაციით, ქრთამის აღების ფაქტზე დაცული ტერიტორიების სააგენტოს თბილისის ეროვნული პარკის რეინჯერი დააკავეს.

უწყებაში ამბობენ, რომ ბრალდებულმა, უკანონო მატერიალური სარგებლის მიღების მიზნით, სატყეო უბანში მიწის ნაყოფიერი ფენის მოპოვების სანაცვლოდ, ერთ-ერთ პირს ქრთამის სახით მოსთხოვა და გამოართვა თანხა 750 ლარის ოდენობით, რა დროსაც იგი დააკავეს.

გამოძიება სისხლის სამართლის კოდექსის 338-ე მუხლის პირველი ნაწილით მიმდინარეობს, რაც ქრთამის აღებას გულისხმობს.