ადამიანის უფლებათა კომიტეტის თავმჯდომარის, სოფო კილაძის განცხადებით, ნაციონალური მოძრაობა ისე შორსაა ადამიანის უფლებებთან, როგორც საქართველო და ჩრდილოეთ კორეა. ეს შედარება მან კომიტეტის სხდომაზე, სახალხო დამცველის ანგარიშის წარდგენის დროს თქვა.

"მე მაგალითად თქვენს ადგილზე ძალიან შემრცხვებოდა ადამიანის უფლებათა დაცვის კომიტეტზე შემოსვლა, იმიტომ, რომ თქვენ და თქვენი პოლიტიკური ძალა ისე შორს ხართ ადამიანის უფლებებისგან, როგორც საქართველო და ჩრდილო კორეა, მგონი ძალიან კარგი შედარებაა აი ამ დიდი მანძილის შესაფასებლად", — თქვა სოფო კილაძემ.

დეპუტატი სალომე სამადაშვილი სახალხო დამცველს სთხოვდა შეეფასებინა 20 ივნისის ღამეს მიმდინარე მოვლენები და ის, რომ ამ საქმის გამოძიება შეჩერებულია.