შრომის პირობების ინსპექტირების დეპარტამენტის უფროსის, ბექა ფერაძის განცხადებით, პარასკევსა და შაბათს უსაფრთხოების პირობების დარღვევის გამო 16 კომპანია 10 000-10 000 ლარით დააჯარიმეს. ფერაძის თქმით, ინსპექტირების გადაწყვეტილება მას შემდეგ მიიღეს, რაც სოციალურ ქსელებში კვების ობიექტების ფოტო-ვიდეო მასალა გავრცელდა.

"პარასკევს და შაბათს განხორციელდა ასეთი ტიპის ობიექტების ინსპექტირებები ჯამში 26 კომპანია შემოწმდა, მათგან 16-მა ვერ დააკმაყოფილა მოთხოვნები, შესაბამისად თითოეული მათგანის მიმართ ადმინისტრაციული სახდელის სახით გამოყენებული იქნა ჯარიმა 10 000 ლარის ოდენობით", — თქვა ბექა ფერაძემ.

ბექა ფერაძის თქმით, სახელმწიფომ რეკომენდაციების შემუშავების პროცესში სექტორში მომუშავე ყველა ასოციაცია იყო ჩართული და შემუშავებული თამაშის წესები ყველამ უნდა დაიცვას. მან აღნიშნა, რომ სანქცირება მათი თვითმიზანი არაა და ისინი ამ უკიდურესი აუცილებლობის წინაშე დადგნენ.