პრემიერმინისტრის, გიორგი გახარიას განცხადებით, ონლაინ კაზინოებთან მიმართებაში სახელმწიფოს მხრიდან ადმინისტრირება "უაღრესად უნდა გამკაცრდეს".

"სახელმწიფოს მხრიდან ამ კაზინოების ადმინისტრირების მიმართულებით სერიოზულად არის გასამკაცრებელი კანონმდებლობა. ამ გამკაცრების ინიციატივით უახლოეს მომავალში პარლამენტს მივმართავთ", — განაცხადა მან.

ეს გახარიამ მაშინ გააჟღერა, როცა ჰკითხეს, რატომ არ შეიზღუდა დროულად კაზინოების მოხმარება. მისი თქმით, ეს გადაწყვეტილება ეპიდემიოლოგიურ რისკებს ემყარებოდა.