მთავარი არხის საინფორმაციო სამსახურის უფროსმა, ნოდარ მელაძემ ტელევიზია დატოვა. ამის შესახებ ინფორმაცია ცოტა ხნის წინ დადასტურდა.

მელაძის არხიდან წასვლის ზუსტი მიზეზი უცნობია. Facebook-ზე მან მხოლოდ ეს დაწერა:

"ბევრი წარმატება, იმ მაგარ გუნდს რომელიც რჩება ამ არხზე".

მელაძის მთავარი არხიდან წასვლის შესახებ On.ge-სთვის რამდენიმე დღის წინ გახდა ცნობილი, თუმცა როგორც ნოდარ მელაძე, ასევე, ტელეკომპანიის გენერალურ დირექტორი ნიკა გვარამია სატელეფონო ზარებს არ პასუხობენ.

მთავარი არხის დაფუძნებამდე ნოდარ მელაძე რუსთავი 2-ში მუშაობდა და ბოლო პერიოდში საინფორმაციო სამსახურის ხელმძღვანელი იყო. ქიბარ ხალვაშის მიერ რუსთავის 2-ის გადაფორმებიდან ერთი თვის თავზე ის სამსახურიდან გაათავისუფლეს. ამის შემდეგ ტელეკომპანიის ჟურნალისტების ნაწილთან ერთად მუშაობა მთავარ არხზე გააგრძელა.