ჯანდაცვის მინისტრმა, ეკატერინე ტიკარაძემ კორონავირუსთან ბრძოლაში ოჯახის ექიმის როლზე ისაუბრა და ის პროცედურები განმარტა, რასაც პაციენტი გაივლის მანამ, სანამ გადაწყდება როგორ გააგრძელებს ის მკურნალობას. ამ თემაზე მინისტრმა საზოგადოებრივი მაუწყებლის ეთერში ისაუბრა.

მინისტრის განმარტებით, ძალიან მნიშვნელოვანია, რომ პირველ რიგში, პაციენტმა დარეკოს 112-ში საიდანაც ოჯახის ექიმთან გადაამისამართებენ. ანამნეზის გამოკვლევის შემდეგ ექიმი მიღებულ გადაწყვეტილებას პაციენტს ტელეფონით გააცნობს. ამის შემდეგ პაციენტთან მივა სასწრაფო დახმარება და მას იზოლირებულად გადაიყვანენ შესაბამის დანიშნულების ადგილზე.

"ამ ჯაჭვის განხორციელება მნიშვნელოვანია იქედან გამომდინარე, რომ როგორც ჩვენთვის ცნობილია კოვიდინფექციის გავრცელების სისწრაფე არის საკმაოდ ინტენსიური და ჩვენ გვინდა ავირიდოთ სიმპტომიანი პაციენტების გადაადგილება და ასევე ჩვენ გვინდა ავარიდოთ სიმპტომიანი პაციენტების ოჯახში დარჩენა, იმ შემთხვევაში თუ მათ არა აქვთ იზოლაციის საშუალება", — თქვა ეკატერინე ტიკარაძემ.

მინისტრმა ინტერვიუში, ასევე, აღნიშნა, რომ საქართველოს საშუალოდ 10 000-მდე ინფიცირებულის მართვა შეუძლია. მისი თქმით, ამ ეტაპზე კორონავირუსის მართვაში უკვე ჩართულია 20 საავადმყოფო. მისი თქმით, რეგიონებიდან დამატებით 40 ცხელების კლინიკის ჩართვაა შესაძლებელი, ხოლო დაავადების მატებასთან ერთად კიდევ 15 ჰოსპიტალის რესურსი არსებობს.

ბოლო მონაცემებით, საქართველოში ინფიცირებულთა რაოდენობა 162-ია, მათგან 36 გამოჯანმრთელებულია, ერთი გარდაცვლილი. კარანტინის რეჟიმში 5 067 ადამიანი რჩება, სტაციონარში მეთვალყურეობის ქვეშ კი 330.

"ფაქტობრივი კარანტინი"

30 მარტს საგანგებო მდგომარეობის ფარგლებში ზომები მნიშვნელოვნად გამკაცრდა. პრემიერ-მინისტრ გიორგი გახარიას თქმით, "ფაქტობრივად კარანტინს" აცხადებენ, რომელიც 31 მარტის 8 საათიდან ამოქმედდა და ის "ფაქტობრივ კომენდანტის საათსაც" ითვალისწინებს.

რაც შეეხება შეზღუდვებს:

გარდა ამისა უწყებათაშორისი საბჭოს გადაწყვეტილებების განსახორციელებლად ოპერატიული მართვის შტაბი შეიქმნა. ასევე, 7 ქალაქში პირთა გადაადგილების კონტროლისა და თერმოსკრინინგისთვის საკონტროლო პუნქტები მოეწყობა. ესენია: თბილისი, ქუთაისი, ბათუმი, რუსთავი, ფოთი, ზუგდიდი და გორი.

სხვა შეზღუდვები და სიახლეები:

პრემიერმა განაცხადა, რომ ზემოთაღნიშნულ შეზღუდვები ისევე, როგორც სხვა პრევენციული ღონისძიებები ტარდება იმისთვის, რომ "უხერხულობა არ შევუქმნათ არც ჩვენს მრევლს, არც ეკლესიას და არც რიგით მოქალაქეებს." მისივე თქმით, სურვილი აქვთ არსებულ სიტუაციას აღდგომის დღესასწაულებამდე გაუმკლავდნენ, თუმცა გარანტიები არ არსებობს. მთავრობისა და სამედიცინო სფეროს წარმომადგენლების თქმით, უკვე დაფიქსირდა შიდა გავრცელება და 3 პირის ინფიცირების წყარო უცნობია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: